Музыка сайдыытын эйгэтигэр улуус муниципальнай бириэмийэтин 5 кылаас үөрэнээччитэ тутта

М.К. Аммосов аатынан Культура уонна духуобунай сайдыы дыбарыаһыгар «Нам улууһа» МТ муниципальнай бириэмийэлэрин туттарыы ахсынньы 13 күнүгэр ыытыллыбыт. Бу туһунан «Нам улууһа» МТ пресс-сулууспата иһитиннэрэр.

Улуус депутаттарын Сэбиэтин быһаарыытынан уопсайа 17 Муниципальнай бириэмийэ баар. Бастакы 5 бириэмийэ 2017 сыллаахха, уоннааҕы бириэмийэлэр кэнники икки сылга олохтоммуттара. Бэҕэһээ 11 бириэмийэ туттарыллыбыт. Ол курдук:

— уһулуччулаах государственнай уонна политическай деятель М.К. Аммосов аатын үйэтитиигэ уһулуччулаах кылаатын иһин М.К. Аммосов аатынан муниципальнай бириэмийэ лауреата – улуустааҕы үөрэх управлениетын начальнига Мария Игнатьева;
— историческай нэһилиэстибэни үөрэтии эйгэтигэр Платон Алексеевич Слепцов аатынан муниципальнай бириэмийэ лауреата – М.К. Аммосов аатынан СР государственноһын историятын музейын сэбиэдиссэйэ Александр Кириллин;
— государственнай уонна муниципальнай тутул эйгэтигэр Ньургун Семенович Тимофеев аатынан муниципальнай бириэмийэ лауреата – «Нам улууһа» МТ дьаһалтатын экономическай сайдыытын управлениетын кылаабынай специалиһа Алена Сивцева;
— Нам улууһун бастакы баһылыгын Алексеев Дмитрий Федотович аатынан муниципальнай бириэмийэ лауреата – «Бөтүҥ нэһилиэгэ» МТ баһылыга Михаил Макаров;
— экономика, үп уонна кредиттээһин эйгэтигэр Илья Николаевич Прядезников аатынан муниципальнай бириэмийэ лауреата – улуустааҕы үөрэх управлениетын кылаабынай бухгалтера Елена Ксенофонтова;
— физическэй культура уонна спорт эйгэтигэр Александр Афанасьевич Игнатьев аатынан муниципальнай бириэмийэ лауреата – И.Е. Винокуров аатынан Намнааҕы педагогическай колледж физкультураҕа преподавателэ Юрий Эверстов;
— кыраайы үөрэтии эйэтигэр Иннокентий Захарович Кривошапкин аатынан муниципальнай бириэмийэ лауреата – П.И. Сивцев аатынан Намнааҕы история уонна этнография музейын киинэвидеоархыып отделын сэбиэдиссэйэ Вера Попова;
— бастыҥ ветеран уонна пенсионер Сэбиэтигэр Матрена Васильевна Петрова аатынан муниципальнай бириэмийэ лауреата – Түбэ нэһилиэгин ветераннарын уонна пенсионердарын Сэбиэтэ (председатель Марина Сивцева);
— ветеран уонна пенсионер хамсааһынын бастыҥ общественнигар Евдокия Петровна Рожина аатынан муниципальнай бириэмийэ – Хатыҥ Арыы нэһилиэгин ветераннарын Сэбиэтин председателэ Оксана Лебедева;
— музыка искусствотын сайдыытын эйгэтигэр Захар Порфирьевич Винокуров аатынан муниципальнай бириэмийэ лауреата – З.П. Винокуров аатынан Намнааҕы оҕо искусствотын оскуолатын 5 кылааһын үөрэнээччитэ Анна Доромонова;
— тутуу уонна архитектура эйгэтигэр Альберт Иннокентьевич Ильин аатынан муниципальнай бириэмийэ — «Нам улууһа» МТ баһылыга Юрий Слепцов.