Партизан нэһилиэгин Чараҥ күөлүгэр «Аҕа күрэҕэ -2024» улуустааҕы күрэхтэһии саҕаланна.
Дойдуга «Дьиэ кэргэн», өрөспүүбүлүкэҕэ «Оҕо саас» уонна Нам улууһугар Оҕо спордун сылларынан ыытыллар күрэхтэһии тэрийээччилэринэн «Нам улууһа» МТ дьаһалтатын дьиэ кэргэн уонна эдэр ыччат политикатын отдела, улуустааҕы аҕа сэбиэтэ, Партизан нэһилиэгин дьаһалтата буолаллар.
Барыта 8 нэһилиэк аҕата уолаттарын кытта 9 хамаанда туруоран кыттыыны ылаллар. Күрэхтэһии хас да түһүмэхтэн турар. Хамаандалар уратытык бэйэлэрин билиһиннэриэхтэрэ, мас суоруохтара, бэрэбинэлэри эрбиэхтэрэ, оттук мас бэлэмниэхтэрэ, ойбон алларыахтара, остуолбаҕа ыттыахтара, чэй оргутуохтара уонна булчут биатлона диэн саҥа көрүҥҥэ күүстэрин холонон, күрэс былдьаһыахтара. Кыттааччылар:
1. Искра нэһилиэгиттэн Григорий Ермолаев, 54 с.
уола Дьулусхан, 14 с.
2. Хомустаах Бастакы нэһилиэгэ
Валерий Замаратскай, 37 с.
уола Алексей, 15 с.
3. Хомустаах Иккис нэһилиэгэ Иван Осипов, 45 с.
уола Альберт,16 с.
4.Хатыҥ арыы нэһилиэгэ
Аркадий Соловьев,38 с.
уола Оскар,16 с.
5. Партизан нэһилиэгэ
Дмитрий Семенов , 53 с
уола Артур, 17 с.
6. Партизан нэһилиэгэ
Владимир Колесов, 34 с.
уола Радимир, 16 с.
7. Үөдэй нэһилиэгэ
Иннокентий Иванов , 48 с.
уола Кеша, 14 с.
8. Никольскай нэһилиэгэ
Захар Протопопов, 38 с.
уола Оскар, 16 с.
9. Ленскэй нэһилиэк
Иннокентий Суздалов, 32 с.
уола Дамир , 14 с.
1 миэстэҕэ — 50 000 солк
2 миэстэҕэ — 25 000 солк.
3 миэстэҕэ — 15 000 солк.
Лена Корякина-Элиэнэ Кэрэ