Ааҕарга угуйабыт, уруһуй эйгэтигэр уһуйабыт

Хатыҥ Арыы нэһилиэгин Граф Биэрэгин «Самородок» култуура киинигэр ыытыллыбыт доруобуйаларынан хааччахтаах дьон күннэригэр аналлаах декаданы түмүктүүр тэрээһин буолла.

Биллиилээх прозаик, буойун суруйааччы Тимофей Сметанин төрөөбүтэ 105 сылыгар аналлаах, суруйааччы айымньыларынан, инбэлиит оҕолор икки ардыларыгар ыытыллыбыт улуустааҕы кэтэхтэн уруһуй күрэҕин кыттыылаахтарын, кыайыылаахтарын наҕараадалыыр тэрээһин ыытылынна. Тэрийээччилэринэн Бөтүҥ олохтоох модельнай библиотеката, Бөтүҥ нэһилиэгин инбэлииттэрин обществота буолаллар.

Суруйааччы Тимофей Сметанин айымньыларын билиһиннэрэр, оҕолору ааҕарга угуйар, уруһуй эйгэтигэр уһуйар сыаллаах ыытыллыбыт күрэх кыайыылаахтарынан оскуолаҕа киириэн иннинээҕи саастаах оҕолорго: Миша Кириллин – 1 миэстэ (Аппааны), Айаал Корякин – 2 миэстэ (Граф Биэрэгэ), Андрей Степанов – 3 миэстэ (Граф Биэрэгэ); Орто саастаахтарга: Розанна Уваровская – 1 миэстэ (Салбаҥ), Эрнест Брагин – 2 миэстэ (Ленскэй), Ньургустаана Лукина – 3 миэстэ (Бөтүҥ); Улахан оҕолорго: Дамир Семенов – 1 миэстэ (Граф Биэрэгэ), Витя Никифоров – 2 миэстэ (1 Хомустаах), Альберт Климовскай – 3 миэстэ (Арбын) буолланнар дипломунан, бириистэринэн наҕараадаланнылар.

Бары кыттыбыт көхтөөх оҕолор туоһу суруктарынан бэлиэтэннилэр. Кыттааччыларбытыгар уонна кинилэр салайааччыларыгар махталбытын тиэрдэбит.

Валентина Колесова, Бөтүҥ

Читайте дальше