Н.С. Охлопков аатынан улуустааҕы гимназия 9 “а” кылааһын уолаттара Намнааҕы ыттары тутар приюкка сырыы оҥорбуттар. Үөрэнээччилэр өссө сэтинньи ыйга приюкка ыт аһылыгын илдьибиттэр, үлэһиттэртэн волонтер көмөтүн туһунан туоһуласпыттар.
Бүгүҥҥү күҥҥэ хаһаайын өттүттэн уулуссаҕа ыттары, ыт оҕолорун хаалларыы, быраҕыы аччаабат. Көрүүтэ-истиитэ суох ыттары тутар Намнааҕы приют дириэктэрэ Василий Крымков оҕолорго дьиэ кыылыгар эппиэтинэстээх сыһыан үөскүүрүгэр санааларын эппит.
Гимназия бары кылаастара ахсынньы 5 күнүгэр “Братьями нашими меньшими” диэн дьиэ кыылыгар эппиэтинэстээх сыһыан туһунан лекция аахпыттар. Кыһалҕа тула кэпсэтиигэ гимназистар көхтөөх кыттыыны ылбыттар. Дьиэ кыылыгар эппиэтинэһэ суох сыһыаннаһыы дьон аһыммат буолуутуттан тахсар диэн кэпсэтиигэ кыттыбыттар бэлиэтээбиттэр.
Кэпсэтии түмүгүнэн, бары кылаас үөрэнээччилэрэ дьиэ кыылыгар эппиэтинэстээх сыһыаны, санааны үөскэтэргэ, эйэни олохтуурга диэн түмүгү ылыммыттар. Нам сэлиэнньэтин уулуссаларыгар, оскуола сиригэр-уотугар ыт сылдьарын оҕолор көрө сылдьаллар.
Кыра кылаас оҕолоро кэпсэтиигэ кыттыспыттар, кыһарыйар быһыыга-майгыга сөптөөх хоруйдары биэрбиттэриттэн аһыныгас, амарах сүрэхтээх буолаллара көстүбүт. көстүбэт сибээһи олохтуур.
Хаһаайын уонна дьиэ кыылын икки ардыларыгар киһи хараҕар көстүбэт сыһыан олохсуйар эбит. Бу сибээс биһиги олохпутун сырдатар уонна дьоллуур. Төһөнөн барытыгар харыстабыллаахтык сыһыаннаһабыт да дьон үтүө сүрэхтээх буолар.
“Эҥсиэли” хаһыат