Альберт Ильин аатынан спорт кыһыҥҥы көрүҥнэригэр фестиваль сэргэхтик ыытылынна

Үөдэй нэһилиэгэр икки күн устата Альберт Ильин кэриэһигэр спорт кыһыҥҥы көрүҥнэригэр фестиваль бэрт интэриэһинэйдик, өрө көтөҕүүлээхтик ааста. Иккис күҥҥэ күн-дьыл сытыы тыалынан хаарыйдар да, көрөөччүлэр чаҕыйбакка тоҕуоруһа мустубуттар.

Муус устар 6 күнүгэр сарсыарда культурно-спортивнай комплекска Спорт кыһыҥҥы көрүҥнэригэр фестиваль үөрүүлээх быһыыга-майгыга аһылынна. Нэһилиэктэр бастыҥ спортсменнарын «Нам улууһа» МТ баһылыгын э.т. Анатолий Павлов, “Үөдэй нэһилиэгэ” МТ баһылыга Иван Гаврильев, Нам улууһун спорт управлениетын начальнига Павел Иванов, Альберт Ильин балта Елена Левина, “Маймаҕа нэһилигэ” МТ баһылыга Александр Егоров, күрэхтэһии кылаабынай судьуйата Сергей Софронов эҕэрдэлээтилэр, кыайыыны баҕардылар.

Ымыйахтаах күөлүгэр икки күн устата спорду таптааччылар, хоккейы сөбүлээччилэр ооньууну сэргээн, астынан көрдүлэр. Урукку үтүө күннэри санаан, ахтан да ыллылар. Үөдэйдэр бу күрэхтэһиини иккис төгүлүн ыытар буоланнар барыта лоп бааччы дьаһаммыттар. Хоккейдыыр коробкалара тула өттө мас хаптаһынынан бүрүллэн, көрөөччүлэр эчэйбэттэрин курдук вратарь турар сиринэн тимир сетканан тардыллан оҥоһуллубуттар. Ыалдьыттарга уонна күрэхтэһээччилэргэ анаан, тоҥон-хатан аччыктаабатыннар диэн олохтоохтор итии үүттээх чээйдэрэ, бурдук астара, сыалаах эттэрэ, үтэһэлэрэ үгүс буолан биэрдэ.

Хоккейга кыахтарын уонна саамай дьарыктаахтарын Үөдэй нэһилиэгин хамаандата көрдөрдө, манна бэтэрээн оонньооччулар Александр Эверстов, вратарь Владимир Эверстов оонньуур кыахтарынан эдэр дьонтон хаалсыбаттарын көрдөрдүлэр, сорох түгэннэргэ уһулуччулар да диэххэ сөп.

Ленскэй нэһилиэк хамаандатын оонньооччулара бары эдэр уолаттар, оонньуулларыттан көрдөххө хаҥкылаах төрөөбүт курдуктар, онон ыччат хоккейы баһылаабыт диэн көрөөччүлэр биһирээтилэр.

«Лучший вратарь» — Владимир Эверстов

«Лучший игрок» — Леонид Стрекаловскай

«Лучший бомбардир» — Евгений Винокуров

«Перспективный игрок» уонна «Баягантай – строй» тутуу хампаанньа 50 000 солк. сертификатын Ньургун Протопопов ылла.

Тыҥааһыннаах киирсии кэнниттэн түмүк маннык буолла:

1 м. – Үөдэй

2 м. – Хамаҕатта

3 м. – Ленскэй

4 м. – 2 Хомустаах

5 м. – Аппааны

6 м. – 1 Хомустаах

7 м. – Модут

8 м. – Көбөкөн

9 м. – Партизан

10 м. — Хатырык.

***

Биһиги тымныы кыһыннаах дойдубутугар хайыһарынан сүүрэр кэммит 2-2,5 эрэ ый буолар. Ол да буоллар, хайыһары таптааччылар тымныыттан чаҕыйбакка быыстала суох дьарыктанан, үрдүк таһымҥа тахсарга эрчиллэллэр.

Наммыт улууһугар хайыһары таптааччылар, хайыһар спорда сайдыбыт уонна элбэх хайыһарга спорт маастардаах нэһилиэгинэн былыр-былыргыттан Үөдэй буоларын бары да билэн олордохпут.

Онон, Альберт Ильин кэриэһигэр Спорт кыһыҥҥы көрүҥнэригэр фестиваль хайыһарга күрэх түмүгэ маннык буолла:

Кыргыттарга:

1 миэстэ – Үөдэй. Наталья Новгородова

2 миэстэ – Үөдэй. Надежда Феоктистова

3 миэстэ — НПК. Мария Корякина

Уолаттарга:

1 миэстэ – Үөдэй. Петр Эверстов

2 миэстэ – 1 Хомустаах. Валерий Кривошапкин

3 миэстэ – Үөдэй. Артем Иванов

Ветераннарга:

1 миэстэ – НПК. Дарья Соловьева

2 миэстэ – 1 Хомустаах. Күннэй Чичигинарова

3 миэстэ – Үөдэй. Людмила Ефимова

Ветераннарга:

1 миэстэ – 1 Хомустаах. Юрий Николаев

2 миэстэ – НПК. Мичил Бурцев.

3 миэстэ – Үөдэй. Александр Новгородов

Эстафета:

1 миэстэ – Үөдэй хамаандата

2 миэстэ – НПК хамаандата

3 миэстэ – 1 Хомустаах хамаандата.

***

Хаҥкынан сүүрүү, шорт-трек – өрөспүүбүлүкэҕэ спорт саҥа көрүҥэ. Көрдөххө хаҥкыны кэттин да сүүрэр курдуккун. Ол гынан баран, быһыыта ис иһигэр киирдэххэ туһунан быраабылалардаах спорт. Биһиги шорт-трекка күрэхтэһээччилэрбит хоккейнай коробка иһигэр үстэ эргийэ сүүрэн күрэхтэстилэр.

Кыргыттарга

1 миэстэ – 1 Хомустаах. Алена Оконешникова

2 миэстэ – Модут. Ия Куличкина

3 миэстэ — Хатырык. Алина Попова

Уолаттарга:

1 миэстэ – Үөдэй. Евгений Винокуров

2 миэстэ – Нам. Артем Афанасьев

3 миэстэ – Хамаҕатта. Артем Афанасьев

Хамаанданан:

1 миэстэ – Нам хамаандата

2 миэстэ – Үөдэй хамаандата

3 миэстэ – Хамаҕатта хамаандата