Бу дьыл бэс ыйын 11-18 күннэригэр, Намнааҕы П.П.Ядрихинскай -Бэдьээлэ аатынан Олоҥхо дьиэтин (салайааччы СӨ култууратын туйгуна В.В.Колпашникова) иһинэн үлэлиир СӨ култууратын туйгуна, хормейстер Ирина Неустроева салайар, «Алгыс» вокальнай ансамбыл Санкт-Петербурга норуоттар икки ардыларынааҕы 9-с төгүлүн ыытыллар «Добровидение» бэстэбээлгэ кыттан, үөрүү кынаттанан кэллилэр.
Бу бэстибээли сүрүннээн РФ госдума депутата О.А.Нилов көҕүлээһининэн ыытыллар эбит. Манна араас дойдулартан 3000 кыттааччы кэлэн, бэйэлэрин норуоттарын култукратын көрдөрөн, фондаҕа хаалларан бардылар.
» Алгыс» бөлөх Петропавловскай кириэппэс Соборнай болуоссатыгар киин балаһааккаҕа Россия аатырбыт биллэр государственнай ансамбылларын кытта бииргэ ыллыыр чиэскэ тигистилэр. Көрөөччүлэр сөҕө махтайа көрдүлэр. Улахан отбору ааһан ити балаһааккаҕа ыллаабыттарын олуһун астыннылар.
Маны сэргэ биһиги Далбар Хотуттарбыт Москваҕа онлайн ыытыллыбыт ,,Батыр Навеки» диэн, Салават Юлаевка 270 сааһыгар анаммыт бүтүн арассыыйатааҕы патриотическай бэстэбээлгэ ситиһиилээхтик кытыннылар. Бу бэстибээли тэрийээччилэринэн Батыршина Гульсина Алтыновна, Бабин Андрей Евгеньевич, уонна бэйэбит кыыспыт СӨ култууратын үтүөлээх үлэһитэ,, «Северный Колорит» фестивальнай комитет салайааччыта Варвара Валерьевна Обоюкова буоллулар.
Маны сэргэ, Россия күнүгэр Питердааҕы киин библиотека тэрийбит уулуссатааҕы бырааһынньыгар «Книжная аллея-2024» бэстэбээлгэ Невскай проспекка ыллаан кыттыыны ыллылар.
Питер кэрэ сирдэрин сөҕө махтайа көрдүлэр, билиҥҥи буола турар Украина сэриитин кыттыылаахтарыгар бэйэлэрин сүрэхтэрин баҕа өттүнэн барыанньа, собо миинэ илдьэн туттардылар. Бэстэбээл түмүгүнэн ансамбыл кыттааччылара хас биирдиилэригэр РФ госдума депутаттарыттан О.А Нилов, биир дойдулаахпыт Федот Семенович Тумусовтан махтал суруктары туттулар.
Лена Корякина