«Алгыстаах күөх үүнээйи » дьаарбаҥкаҕа 

Айылҕа барахсан күөх чээлэй сонун кэтэн, хонуу сибэккинэн симэнэн киһи эрэ үөрүөх, кэрэ кэмигэр  «Ипподром » уонна » Госстрах » түөлбэ бииргэ түмсэн   «Алгыстаах күөх үүнээйи » дьаарбаҥкатын  бэс ыйын 1 күнүгэр тэрийэн ыыттылар.

Далбар хотуттар сылаас илиилэринэн алгыстаан үүнэрбит үүнээйилэрин  Нам улууһун биллилээх оҕуруочуттара Л.П Решетникова, К.И Матвеева , Г. А. Седалищева К. П. Слепцова кэлэн кыттыыны ылбыттара киһини үөрдэр, элбэххэ үөрэтэр. Ону таһынан, Бөтүҥтэн Е. В. Филиппова, Графтан Т. Колесова кэлэн кытыыны ыллылар .

«Ипподром» түөлбэ олохтооҕо Клара  Матвеева  рассада олордуутугар оҕолорун, сиэннэрин тэҥҥэ илдьэ сылдьан барытыгар уөрэппитэ киһини үөртэ ,сөхтөрдө. Кыра сиэнэ Коля Матвеев тэбис тэҥҥэ эбээтиниин  рассада ылан-биэрэн илии- атах буолара атыттарга холобур буолла.

К.П. Слепцова  сибэкки рассадатын арааһын аҕалан, киһи хараҕа хатанан хайаан да ылан аастаххына эрэ уоскуйаҕын. Элбэх атыылааччы, атыылаһааччыы кэлэн кыттан сэргэх атыы — дьаарбанката буолла. Бэртээхэй сүүйүүлээх ооньууну  «Ипподром» олохтооҕо  И.Р.Слепцова  10 билиэти 250 атыылаан бэйэ оҥоҺуута корзина уонна дьиэ сибэккитин оонньотон  барыта сүүйүүлээх буолан, бары астынан, махтанан сэргэхсийдибит.

Сэргэх сахалыы , нууччалыы ырыа ыраахха диэри дуораһыйда .»Ипподром» түөлбэ махталын биллэрэн олохтоохторугар сэмэй бэлэхтэри туттарда. Далбар хотуттарбытыгар сыл аайы рассада арааҺын үүнэрэн, сайдан, олордуугут арааһа элбээн истин. Бастакынан тэрийэн ыыппыт «Строительнай» түөлбэ  тэрээһинин сэргээн, кинилэр бачыымнарын өйөөн  «Ипподром» уонна  «Госстрах» түөлбэ бастакы тэрээһиннэрин  бэрт сымсатык ыыттылар .

Людмила Григорьева