— Михаил Ефимович Николаев орто дойдуттан барбытынан кутурҕаммын биллэрэбин.
Мин «Комсомольскай» совхозка 1979 сылтан үлэлиэхпиттэн, ол саҕана миниистирбит, ыһыыбытын барытын көрөн, бааһыналары кэрийэн сүбэлиирэ, отчуоттатара, наһаа кыһаллара. Бары тыа хаһаайыстыбатын дьоно күндүтүк саныыбыт. Кэлин да олох болҕомтотугар тута сылдьара.
Президент буоларыгар Намҥа «Сардаҥа» кинотеатрга улахан быыбар мунньаҕар өйөөммүт мин тыл эппитим. Дьонугар-сэргэтигэр тыа хаһаайыстыбатын үлэһиттэрэ биһиги кутурҕаммытын тиэрдэбит. Кини үтүөтүн хаһан да умнубаппыт.