Олунньу 14 күнүгэр Аппааны бөһүөлэгин «Чороон» норуот айымньытын киинигэр олохтоохторго анаан социальнай боппуруостарга исписэлиистэр кэлэннэр прием уонна консультация оҥордулар.
Бу күн Намнааҕы дьарыктаах буолуу киин инспиэктэрэ Наталья Васильевна Потапова, Намнааҕы “Мой Бизнес” киин салайааччыта Марфа Семеновна Тарабукина, Намнааҕы социальнай харалта салайааччыта Людмила Ивановна Петрова, СР социальнай фондата Намнааҕы клиентскай сулууспа кылаабынай эксперт-исписэлииһэ Василий Васильевич Алексеев кэлбит олохтоохторго араас тыын боппуруостарга сүбэ-ама биэрдилэр. Ордук сааһынан биэнсийэҕэ тахсыы, накопительнай биэнсийэ, социальнай контракт, бизнес-былаан толоруута, регистрацията, байыаннай дьайыы кыттыылаахтарыгар көмө, үлэ ветераныгар тахсыы, үлэ занятоһыгар учуотка туруу, үлэ вакансиятын булуу, үөрэхтэр курстара о.д.а. боппуруостар бэрилиннилэр. Уопсайа 20-чэ киһи кэлэн кыттыыны ылла.
Нэһилиэнньэҕэ маннык миэстэтигэр кэлэн социальнай десаннары оҥорон, олохтоохтор ыарырҕатар боппуруостарыгар консультация биэрэннэр бу күн үгүс киһи махтанна.
Надежда Сивцева