Бугун «Нам улууһа» МТ 2023 сыллааҕы отчуота улуус баһылыгын э.т. Анататолий Павлов салайааччылаах 1-кы бөлөҕө Арбын нэһилиэгэр буолла. Улуус ааспыт сыллааҕы отчуотун 30 олохттох иһиттэ.
Анатолий Иванович ааспыт сылга киирбит этиилэри уонна туруорсуулары ырытта, туох үлэ ыытыллыбытын, ыытылларын туһунан сиһилии сырдатта. Ол курдук, ааспыт сыллааҕы отчуот протоколугар киирбит туруорсууларыттан барытыгар үлэ ыытыллыбыт эбит. Сорҕото докумуон үлэтин таһымыгар сылдьар. Сатаан быһаарыллыбатах боппуруос суох.
Улуус депутаттарын сэбиэтин үлэтин Семен Ядрихинскай сиһилии сырдатта.
Социальнай төлөбүр туһунан, халаан уутун кэмигэр доруобуйаларынан хааччахтаах дьону инбэлииттэр уонна кырдьаҕастар интернат-дьиэтигэр олохтууллара буоллар диэн санааларын эттилэр.
Быйыл даҕаны суол боппуруоһа турда. Биэрэк синньэҥ суолга чугаһаабытын этэллэр.
Тыа хаһаайыстыбатын салаатыгар, сир оҥотторуутун, доруобуйа харыстабылыгар, эмт- томп атыытын, тиис оҥотторуутугар толуон ылыытын, специалистар хаһан толору баар буолалларын ыйыттылар. Кылаабынай быраас ФАП-ка өрөмүөн ыытылларын уонна саҥа миэбэллэнэрин, тэриллэнэрин туһунан иһитиннэрдэ.
Бөһүөлэк иһинээҕи суоллары өрөмүөннүүрү туруорустулар. Киин балыыһа үлэтин тупсарыахха наада диэн бэйэлэрин тус санааларын эттилэр.
Убаҕас тобоҕу оботторууга техниканан хааччыйыыны, илдьэн сүөкүүр сири докумуоннаталларыгар туруорустулар.
Мустубут дьон улуус оччуотун биһирииллэрин биллэрдилэр.
Семен Аргунов