1990 сыллаахха балаҕан ыйын 27 күнүгэр М.Е. Николаев салайааччылаах ХХII ыҥырыылаах Үрдүкү Сэбиэт Саха Өрөспүүбүлүкэтин судаарыстыбаннай сүбэрэнитиэтин Декларациятын ылыммыта.
Дьоһун докумуон Саха сирин Арассыыйа Федерациятын састаабыгар судаарыстыба быһыытынан биллэрбитэ, Саха Өрөспүүбүлүкэтин саҥа Конституциятын (Төрүт Сокуонун) оҥорууга, өрөспүүбүлүкэ бэрэсидьиэнин дуоһунаһын олохтуурга, Саха Өрөспүүбүлүкэтэ диэн ааттанарга төрүөт буолбута. Үгэс быһыытынан бу күн бырааһынньыктааҕы тэрээһиннэр ыытыллаллар.
Ол курдук, сарсын, балаҕан ыйын 27 күнүгэр, Саха Өрөспүүбүлүкэтин Судаарыстыбыннаһын күнүн бэлиэтиир үөрүүлээх, өрөгөйдөөх тэрээһин СӨ судаарыстыбаннаһын историятын Өрөспүүбүлүкэтээҕи түмэлигэр буолуоҕа!
Программаҕа:
11:00 ч. М. К. Аммосов пааматынньыгар тыыннаах сибэкки дьөрбөтүн ууруу – түмэл тиэргэнигэр.
11:15 ч. Уопсастыбаннас үөрүүлээх мунньаҕа – түмэл дьиэтин 4-с таһымыгар.
11:30 ч. Саха Өрөспүүбүлүкэтин маҥнайгы президиэнэ М. Е. Николаев туһунан документальнай киинэни көрүү – түмэл дьиэтин 4-с таһымыгар.
12:00 ч. Өрөгөй күнүн оһуохайа – түмэл аттынааҕы Саха өрөспүүбүлүкэтин скверигэр.
Бары сахалыы таҥастаах кэлэргит, көхтөөх кыттыыны ыларгыт биһирэнэр.