Ангарск куоракка “Ангарская осень” нуучча дуобатыгар Арассыыйатааҕы турнирга Нам улууһуттан Ньургун Тимофеев аат. республикатааҕы спортивнай эрэл уонна “Олимпик” спортивнай оскуолалар иитиллээччилэрэ ситиһиилээхтик кытыннылар. Бу туһунан суруйбуттара.
“Күрэхтэһээччи оҕолорбут улахан аҥардара республика таһыгар аан маҥнайгыларын кытыннылар, бойобуой сүрэхтэнии аастылар диэн бэлиэтиэхпин баҕарабын”, – диир дириэктэр Юрий Балаганскай.
Ол курдук, алтынньы 28 күнүттэн сэтинньи 1 күннэригэр буолбут дуобат турнирыгар улуустааҕы спортивнай оскуола 6 үөрэнээччитэ оонньуур сатабылын көрдөрбүт. Бүтүн Арассыыйатааҕы дуобат күрэхтэһиитэ икки диссипилиинэҕэ ыытыллыбыт: түргэн кыайыы уонна классическай. Икки көрүҥ түмүгүнэн, “олимпиктар” улуустарыгар бу курдук ситиһиилэри аҕаллылар:
Түргэн кыайыыга Гаврильева Василиса 4 миэстэ. Оттон классическайга 3 үктэлгэ тахсыбыта этиллэр. Даҕатан эттэххэ, Намнааҕы алын оскуола 3 кылаас үөрэнээччитэ, Василиса таһымнаах күрэхтэһиилэргэ оонньуу үөрэхтээх эдэр, оҕо дуобатчыт.
Амбросьева Арина түргэн кыайыыга – 9 м.; классическайга – 7 м. Олесов Саян түргэҥҥэ – 10 м.; классическайга – 13 м. Винокурова Люба түргэҥҥэ – 12; классическайга – 19 м. Аргунов Давид түргэҥҥэ – 16 м.; классическайга – 16. Собакина Амелия түргэҥҥэ – 22 м.; классическайга – 26.
Бары көрүҥү тэҥҥэ тутар Юрий Балаганскай салайааччылаах “Олимпик” спортивнай оскуола оҕолор дуобакка ситиһиилэммиттэринэн эҕэрдэлиир, тренер Протопопова Надежда Георгиевнаҕа, дуобат салаатын төрөппүт сэбиэтигэр уонна чуолаан, күрэхтэһиигэ арыаллаабыт, күүс-көмө буолбут төрөппүккэ Аргунова Матрена Гаврильевнаҕа махтал тыллары этэр. Улуустааҕы спортивнай оскуола көрүҥнэрэ сайдан истиннэр, тахсыылаах буоллуннар!
Гаврильева Василиса тренерынаан Надежда Георгиевналыын
