Василий Крымков салайааччылаах бөлөх Нам улууһугар ыттары тутар приюкка 2023 сыл саҕаланыаҕыттан атырдьах ыйын 9 күнүгэр диэри уулуссаҕа 95 көҥүл сылдьар ыты, ол иһигэр 4 ыт оҕотун аҕалбыт.
Сыл саҕаланыаҕыттан ыттар маннык эмтэниини ааһаллар: стерилизация – 15; кастрация – 38; маркировка – 53; вакцинация – 64.
Приюкка олорор больдоҕо туолан 51 ыт урукку олоҕор төннөрүллүбүт. Хаһаайыннаах 25 ыт дьиэтигэр төннөрүллүбүт. Көрүүтэ-истиитэ суохтар ахсааннарыгар киирсэр ыттар саҥа хаһаайыннаналлар – 11, ол иһигэр 1 ыт оҕото, 1 ыт куоппут.
Приюкка бүгүҥҥү күҥҥэ 18 ыт, ол иһигэр 3 кырыктаах ыт, 1 ыт оҕото баар.
Хаһаайыттар ыттаргытын босхо ыытымаҥ, баайыҥ! Эппиэтинэстээхтик сыһыаннаһыҥ!
Харысхан Попов