Бу хаһан баайыллар ыттарый!

Нам сэлиэнньэтигэр Василий Крымков салайааччылаах бөлөҕө нэһилиэнньэттэн киирэр сайаапканан ыттары тутар приюкка илдьэр үлэтэ салҕанар.

Ол да буоллар, сэлиэнньэ уулуссаларыгар босхо сылдьыбыт хаһаайыннаах ыттар баайыллыбаттарын курдук уулуссаҕа тахсаннар дьону куттууллара тохтооботун олохтоохтор этэллэр. Чуолаан, Базовай, Степан Платонов, Илья Винокуров ааттарынан, Колхознай уулуссаларга хаһаайыннаах дьиэ кыыллара көрүүтэ-истиитэ суох ыттар тэҥэ сылдьаллара чопчуланар! “Бу хаһан баайыллар ыттарый?!”, “Дьону сүгүн аһардыбаттар” диэн этиилэр, кыһыы-аба нэһилиэнньэттэн тахсара үчүгэйгэ буолбатах. Оччотугар, маннык тыл-өс дьон тулуйарыттан ааһан тахсар. Бу уулуссанан оттон билэр дьоммут – оҕо-уруу, дьахтар аймах үгүстүк тиэстэрэ буолуо. Нам сэлиэнньэтигэр бэрээдэктэнии үлэлэрэ ыытыллара ирдэнэр.

ИҺИТИННЭРИИ! Хаһаайыттар истиилэригэр, ыттары баайыыга туруоруҥ, бэйэҕитин кытта күүлэйдэтиҥ. Бу этии олоххо киирбэт түгэнигэр, миэрэҕэ тардыллыы ырааҕынан буолбатах!
Хаһаайын “Дьиэ кыылын иитиигэ ирдэбил” 13 ыст. 2018 с. ахсынньы 27 күнүттэн ФЗ-N498 “Кыылы эппиэтинэстээхтик иитии” быраабылалары тутуһаргын, эппиэтинэс сүгэргин умнума!

Ыт дьону ытыран, дьоҥҥо саба түһэн доруобуйаларын айгыратар түгэнигэр, ыты бас билээччи административнай эппиэккэ тардыллыахтааҕын билиэхтээх, өйдүөхтээх. Хаһаайын ыты иитии Быраабылатын кэһэн КоАП РФ 8.52 Ыстатыйанан 5000 солкуобайтан 15 000 солк. диэри ыстырааптанар уонна бу сокуоҥҥа олоҕуран эмсэҕэлээбит киһиэхэ материальнай хоромньутун толуйар.

Харысхан Попов

Читайте дальше