СӨ физическэй култуураҕа уонна спорка министерствотын идэлээх сойууһун спартакиадата салҕанар. Ол курдук, спартакиада иккис көрүҥэр, Горнай улууһугар олунньу 22 күнүгэр буолбут буулдьанан ытыыга Василий Винокуров дириэктэрдээх Ньургун Тимофеев аатынан өрөспүүбүлүкэтээҕи Олимпийскай эрэл спорт оскуолата 3-с үктэлгэ турда.
“Күрэхтэһии Бэрдьигэстээххэ өрөспүүбүлүкэтээҕи Олимпийскай эрэл спорт оскуолатыгар үрдүк таһымҥа ааста. Спартакиадаҕа 8 толору хамаанда кэлбит. Спартакиада кыттааччыларын Горнай улууһун олохтоох дьаһалтата тэрээһиннээхтик көрсүбүтүгэр баһылыгы солбуйааччы Стручкова Сардаана Степановнаҕа махтанабыт”, – диир Ньургун Тимофеев аатынан өрөспүүбүлүкэтээҕи олимпийскай эрэл спорт оскуолатын дириэктэрэ Василий Винокуров.
Эрдэ суруйбуппут курдук, спартакиадаҕа икки-үс тэрилтэ холбоһон биир хамаанда буолар. Буулдьанан ытыыга намнар Павел Бурнашев, Екатерина Попова, Эдуард Дьяконов, Сунтаартан Тамара Николаева састааптаах хамаанда 208, 9 очкону ылан кыайыыга дьулууру көрдөрөр.
Бэрдьигэстээх сиригэр-уотугар буолбут күрэхтэһиигэ Осип Михайлов дириэктэрдээх Олимпийскай эрэл спорт оскуолата олус үчүгэйдик көрсүбүт. Ыраахтан-чугастан кэлбит ыалдьыттар Горнай улууһун олохтоох дьаһалтата, улуустааҕы спорт управлениета, спорт эйгэтигэр үлэлиир оҕо спордун оскуолалара, тренердэр, специалистар аһаҕас төгүрүк остуол тула олорбуттар, суолталаах сүбэ, кэпсэтии таһаарбыттар. Ону тэҥэ, горнайдар биир идэлээхтэригэр спорт объектарын көрдөрбүттэр.
Харысхан Попов