«Ленскэй нэһилиэк» МТ 351 N-дээх «Строительнай» быыбардыыр учаастагар биир бастакынан Ленскэй уулусса олохтооҕо Мария Егорова, Нам улуустааҕы киин балыыһатын кылаабынай бырааһа Ариан Сергеев, улуус дьокутаатыгар кандидат Надежда Слепцова куоластаатылар.
7 чилиэннээх 351 N-дээх «Строительнай»
быыбар хамыыһыйатын бэрэссэдээтэлэ Антонина Михайлова:
-Хамыыһыйабыт чилиэннэрэ үксүлэрэ үлэлии үөрүйэх дьон, уопуоттаахтар, быйыл саҥа
киирбит үлэһиттээхпит – Екатерина Васильева. Испииһэккэ барыта 781 быыбардааччы баар, онно эбии 9 киһи сайыбылыанньа суруйан испииһэккэ киирдилэр, пропискалаах сирдэригэр кыайан тиийбэттэринэн, кинилэр Ил Дарханы таларга уонна Ил Түмэҥҥэ баартыйалар испииһэктэригэр эрэ куоластыыллар. 33 киһи ТИК-тэн уведомлениенан испииһэктэн таҕыстылар. Онно киирсэллэр вахтанан үлэлиир дьон уонна устудьуоннар.
Быыбардыыр учаастакпытыгар «Биир ньыгыл Россия», «Сиэрдээх Россия», СӨ общественнай палататыттан, А.И. Еремеев штабыттан кэтээн көрөөччүлэр бааллар.
Касьян Олесов