Быйыл Наммыт улууhугар Оҕо спордун сылынан биллэрдилэр. Бу анал сыл оҕо спорт өттүгэр хайа баҕар хайысханан дьарыктаныахтааҕын, сайдыахтааҕын бэлиэтиир. Онуоха, оҕолору спорка күөртүүр дьонунан төрөппүттэр, педагогтар уонна анал үлэһиттэр буолаллар.
Намнааҕы Петр Петрович Юмшанов аатынан Тустуу оҕо спортивнай оскуолата 1981 сыллаахтан күн бүгүнүгэр диэри ньиргиччи үлэлии турар. Дириэктэринэн өр сылларга Борис Прокопьевич Егоров үлэлиир. Уҥа-хаҥас илиинэн бииргэ үлэлэһэр, дириэктэри хаһаайыстыбаҕа солбуйааччы Михаил Аммосов, үөрэх чааһыгар Николай Абрамов оҕо эт-хаан өттүнэн сайдарын, республика, Россия, тас дойдуларга тусталларын ситиһэллэр.
Ленскэй нэhилиэккэ 3 тренер үлэлиир: старшай тренер Сергей Семенов , тренердэр Кирилл Павлов, Владимир Копырин. Нэhилиэктэринэн 6 тустуу филиаллара улэлии тураллар. Ол курдук: Хатырыкка — Илья Обутов, Модукка — Михаил Шергин, Аппааныга — Вячеслав Стрекаловскай, 2 Хомустахха Виктор Потапов (билигин СВО сылдьар), билиҥҥи кэмҥэ Егор Протопопов үлэлиир, Хамаҕатта — Александр Кузьмин, 1 Хомустахха — Алексей Гоголев, Бөтүҥҥэ -Владислав Бандеров. Күрэхтэһии кэмигэр оҕолор эчэйии ылбаттарын туһугар фельдшер Петр Овчинников үлэлиир.
Тренер Кирилл Спиридонович үлэ-хамнас туһунан сэhэргиирин сиһилии видеоҕа көрүҥ-истиҥ.
Лена Корякина