Бэҕэһээ, ахсынньы 14 күнүгэр, Бөтүҥҥэ көҥүл тустууга ССРС спордун маастара, Саха АССР үтүөлээх тренерэ, көҥүл тустууга, самбоҕа, сладаҕа маастардар икки ардыларыгар Аан дойду, Россия чемпионаттарын кыайыылааҕа, призера, Иван Поддубнай аатынан турнир Кубогын хаһаайына, РФ ВПО бочуоттаах үлэһитэ, СӨ үөрэҕин систиэмэтин, М.К. Аммосов аатынан ХИФУ бочуоттаах бэтэрээнэ, Д.П. Коркин аатынан Государственнай бириэмийэ лауреата, профессор, физико-математическай наука кандидата, Нам улууһун, Ленскэй, Бөтүҥ нэһилиэктэрин бочуоттаах олохтооҕо Н.К. Алексеев кэриэһигэр оҕолорго көҥүл тустууга өрөспүүбүлүкэтээҕи турнир ыытылынна.
Күрэхтэһии үөрүүлээх аһыллыытыгар Нам улууһун дьаһалтатын баһылыгын э.т. Анатолий Павлов, Н.К. Алексеев бииргэ төрөөбүт быраата, үлэ, спорт бэтэрээнэ Владимир Алексеев, Бөтүҥ нэһилиэгин баһылыга Михаил Макаров, кылаабынай судьуйа Владислав Бандеров эҕэрдэлээтилэр. Е.С. Сивцев-Таллан Бүрэ аатынан Бөтүҥ орто оскуолатын үҥкүүһүт оҕолоро «Эҕэрдэ үҥкүүтүн» толордулар.
Өрөспүүбүлүкэбитигэр Оҕо саас, Нам улууһугар Оҕо спордун сылларыгар үгэскэ кубулуйбут ХХIX төгүлүн ыытыллар көҥүл тустуу турнирыгар Нам улууһун 8 нэһилиэгиттэн, Дьокуускай куораттан, Кэбээйиттэн барыта 120 эдэр бөҕөс (2009-2016 с.т. оҕолор) икки көбүөрүнэн күөн көрүстэ. Көбүөргэ кылбар кыайыыны ситиспит тустуук оҕолор пьедестал үрдүк үктэлигэр таҕыстылар.
2016 с.т. кыра саастаах уолаттар 20 кг. ыйааһыннарыгар: 1м.-Иванов Эрэл (Кэбээйи), 2м.-Бандеров Эрсан (Бөтүҥ), 3м.-Потапов Вадим (2 Хомустаах), Барафаев Дамир (Нам),
2016 с.т. уолаттар 24 кг.: 1м.-Протопопов Данил (Дьокуускай), 2м.-Семенов Саргын (Нам с. “Мичил” оҕо уһуйаанын иитиллээччитэ), 3м.-Харитонов Айыстан (Нам), Харитонов Алгыстан (Нам).
2014-2015 с.т. уолаттар 28 кг.: 1м.-Дюрменов Сулейман (Дьокуускай), 2м.-Протопопов Афоня (2 Хомустаах), 3м.-Данилов Саян (2 Хомустаах), Иванов Степа (Кэбээйи). 34 кг. : 1м.-Стручков Саша (Дьокуускай), 2м.-Сивцев Артем (Нам), 3м.-Сивцев Святослав (Нам), Алексеев Вадим (Кэбээйи). 43 кг. : 1м.-Егоров Арсений (Дьокуускай), 2м.-Алексеев Эрэл (Нам), 3м.-Игнатьев Айхал (Аппааны), Винокуров Тимур (Модут). 43 кг. үөһэ: 1м.-Семенов Федя (Нам), 2м.-Потапов Миша (Нам), 3м.-Зедгенидзев Костя (Дьокуускай), Рассолов Димид (Кэбээйи).
2012-2013 с.т. уолаттар 26 кг.: 1м.-Алексеев Айтал (Дьокуускай), 2м.-Марков Альфред (Хатырык), 3м.-Ховров Дуолан (Нам), Ширяев Эрсан (2 Хомустаах). 41 кг.: 1м.-Охлопков Дьулур (Нам), 2м.-Колесов Алгыстан (1 Хомустаах), 3м.-Фролов Данил (Аппааны), Гоголев Саша (Аппааны). 54 кг.: 1м.-Дьяконов Кирилл (Нам), 2м.-Шестаков Арсен (Нам), 3м.-Олесов Айсен (Нам), Герасимов Степа (Нам).
2009-2011 с.т. уолаттар 48 кг.: 1м.-Васильев Аян (Дьокуускай), 2м.-Явловскай Владик (Бөтүҥ), 3м.-Бандеров Саша (Бөтүҥ), Слепцов Арсен (Нам). 52 кг.: 1м.-Новгородов Айсен (Аппааны), Пахомов Эрчим (Дьокуускай).
2012 с.т. кыра саастаах кыргыттар 42 кг.: 1м.-Явловская Варя (Бөтүҥ), 2м.-Кейментинова Ира (Нам), 3м.-Львова Ангелина (Нам).
Кыайыылаах оҕолор бары грамоталарынан, мэтээллэринэн уонна сыаналаах бириистэринэн наҕараадаланнылар.
Бастыҥ тустууктар анал бириистэринэн бэлиэтэннилэр: «Турнир бастыҥ бөҕөһө» — Николай Кириллович Алексеев дьиэ кэргэнэ туруорбут Кубогынан Дюрменов Сулейман (Дьокуускай), «Кэскиллээх бөҕөс» — Афанасий Кириллович Алексеев дьиэ кэргэнин Кубогынан Алексеев Эрэл (Нам), Владимир Кириллович Алексеев дьиэ кэргэнин бириистэринэн: «Кыайыыга дьулуурун иһин» — Васильев Саян (Дьокуускай), «Бастыҥ хапсыһыы иһин» — Иванов Эрэл (Кэбээйи), «Бастыҥ техникатын иһин» — Новгородов Айсен (Аппааны), П.П. Юмшанов оҕо тустууга спортивнай оскуолатын дириэктэрэ Б.П. Егоров бирииһинэн — «Саамай эдэр бөҕөс» ааты Семенов Саргын (Нам), Марахоев Дамир – дьиэ кэргэнин бирииһинэн, В.Г. Бандеров бирииһинэн — Явловская Варя (Бөтүҥ).
Бу турниры тэрийбит Н.К. Алексеев бииргэ төрөөбүт быраата, үлэ, спорт бэтэрээнэ, Нам улууһун Ытык киһитэ, Ленскэй, Бөтүҥ нэһилиэктэрин Бочуоттаах олохтооҕо Владимир Кириллович Алексеев тустуук оҕолорго сытыы, чаҕылхай киирсиилэри, тириэньэрдэргэ ситиһиилээх үлэни баҕарда. Турнир кылаабынай судьуйатыгар Владислав Бандеровка, суруксуттаабыт Сергей Семеновка сэмэй бэлэхтэрин туттарда.
Кини турнир үрдүк таһымнаахтык тэриллибитинэн Бөтүҥ нэһилиэгин дьаһалтатыгар, С.П. Оконешников аатынан «Айылгы» сынньалаҥ киинигэр, Е.С. Сивцев-Таллан Бүрэ аатынан Бөтүҥ орто оскуолатыгар махталын тиэртэ. Барыларын эһиил тэриллиэхтээх убайын Н.К. Алексеев үбүлүөйдээх ХХХ-с турнирыгар ыҥырда, үүнэн иһэр 2025 сылга үөрэххэ, үлэҕэ, спортка үрдүк көрдөрүүлэри, дьолу-соргуну баҕарда.
Касьян Олесов-Олук