Ороһуоспа чэчиэринньигэ — диэн православнай итэҕэллээхтэр тохсунньу 6-гар бэлиэтиир күннэрэ.
Бу христианнар саамай кылаабынай бырааһынньыктарыгар өйдүүн-санаалыын бэлэмнэнэр ураты күннэрэ.
«Сочельник» диэн тыл үгэс быһыытынан бу күҥҥэ астаныллар сочиво диэн бүлүүдэ аатыттан тахсыбыт.
Бу сэлиэһинэй эбэтэр ириис туораҕыттан мүөт, эриэхэ, мак, хатарыллыбыт фрукта эбиликтээх кураанах (постная каша) хааһы.
Сочиво — бырааһынньык иннигэр эт-хаан, өй-санаа ыраастаныытын бэлиэтиир эбит.
Ол иһин биһиги өбүгэлэрбит эмиэ Чэчиэринньик диэн ааттаан алаадьылаан, саламаат хааһы буһарынан, сыт таһааран ыраастанан, бырааһынньык иннинээҕи күнү бэлиэтииллэрэ.
Бу үгэһи сорох аныгы сахалар билигин да тутуһаллар.
Хаартыска: @uigulaax_ac, @gazetaensieli
«Эҥсиэли» хаһыат