Комплекснай спартакиадаҕа киирэр чэпчэки атлетика чемпионатыгар 10 нэһилиэк хамаанда туруорда. Чэпчэки атлетика бастыҥнарынан Хамаҕатта быһый сүүрүктэрэ ааттаннылар.
Бүгүн Намҥа дьахталлар, ветеран-дьахталлар, эр дьон, ветеран эр-дьон бары 3000 м сүүрдүлэр. Эбии 60 м дистанция дьахталларга уонна эр дьоҥҥо баара.
60 м дистанцияҕа 9 эр киһи киһи сүүрбүтүттэн, Хатыҥ Арыыттан Артем Сивцев 7,42 бириэмэни көрдөрөн бастаата. Иккискэ 7,88 бириэмэлээх 2 Хомустаахтан Егор Протопопов таҕыста. Бириистээх миэстэни манна Хамаҕатта ыччата Местников Айхаллаан бүтэрэр – 8,30 сөк.
60 м дьахталларга 7 быһый сүүрбүтүттэн, кыайыы 1 Хомустаах Анжелика Тобольщинаҕа барар. Иккис миэстэҕэ Диана Тартакынова (Хамаҕатта) тахсар уонна үһүс миэстэ Розанна Попова (Ленскэй нэһилиэк) буолар.
Эр дьоҥҥо 3000 м дистанция. Хатыҥ Арыыттан Станислав Саввинов 9,48 сөк. бириэмэни көрдөрөн кыайар. Иккискэ 2 Хомустаахтан Кэскил Николаев (10,55 сөк.) тахсар, үһүскэ Ленскэй нэһилиэктэн Максим Попов (11,21 сөк.)
Ветеран-эр дьоҥҥо 3000 м дистанция. Кыайыыны 9,46 сөк. көрдөрүүлээх Василий Готовцев (Хамаҕатта) ылар. Иккискэ 9,56 сөк. көрдөрүүлээх Семен Говоров (Модут) тахсар уонна үһүс 11,02 сөк. көрдөрүүлээх Василий Находкин (Партизан) буолар.
Дьахталларга 3000 м дистанция. Хатыҥ Арыыттан Александра Ширяева кыайыылаах буолла. Иккискэ 1 Хомустаахтан Сардана Березкина тахсар, үһүскэ Хамаҕаттаттан Сардаана Ушницкая тахсар.
3000 м дистанцияҕа ветеран-дьахталларга, Ленскэй нэһилиэк олохтооҕо Яна Егорова (11,37 сөк.) кыайыыны сурунна. Иккискэ – Хамаҕаттаттан Сахаяна Сивцева (12,31) уонна үһүскэ – 1 Хомустаахтан Наталья Винокурова (13,14 сөк). Уһун дистанцияны киһи эрэ барыта сүүрбэт. Хас биирдии күрэхтэһээччи нэһилиэгин чиэһин үрдүктүк тутан сүүрбүтэ хайҕабыллаах. Бу бөлөххө 4-с, 5-с, 6-с миэстэлэри Хатырык, Үөдэй, Модут спортсменнара үллэстэллэр.
Түмүккэ, 156 очукуолаах Хамаҕатта кыайыылаах буолар. 147 очукуолаах 1 Хомустаах иккис уонна 143 очукуолаах 2 Хомустаах үһүс миэстэ буолаллар. Онтон Хатыҥ Арыы, Хатырык, Ленскэй нэһилиэк, Модут, Үөдэй, Партизан, Салбаҥ сүүрүктэрэ кэлэллэр.
Харысхан Попов