Ленскэй нэһилиэк олохтоох дьаһалтата уонна Н.М. Рыкунов улуустааҕы библиотека үлэһиттэрин көҕүлээһиннэринэн от ыйын 10 күнүгэр библиотека актовай саалатыгар оҕолорго аналлаах дьиэ кэргэн күнүн бэлиэтиир тэрээһин ыытылынна.
Ол курдук, тэрээһини библиотекарь Арсен Винокуров таптал, эрэл, дьиэ кэргэн күнүн историятынан Петр уонна Февронья тустарынан олус интэриэһинэй кэпсээнинэн арыйан саҕалаата.
Краеведение отделын библиотекара Раиса Дьяконова дьиэ кэргэн туһунан өс хоһооннору бэлэмнээбит. Оҕолор өс хоһооннору ситэрэн арыйан биэрдилэр. Сөптөөх хоруйдары биэрбит оҕолор минньигэс бириистэри туттулар. Онтон Ленскэй нэһилиэк үлэһитэ Майя Румянцева Дьиэ кэргэн күнүн бэлиэтин Ромашка открытка оҥоруутугар маастар кылаас ыытта. Мустубут оҕолор баҕа санааларын төрөппүттэригэр суруйан дьиэлэригэр тиийэн бэлэх ууннулар.
Бу курдук олус дириҥ ис суолталаах тэрээһин саастарын ситэ илик оҕолор бырааптарын көмүскүүр уонна кинилэр дьыалаларыгар уопсастыбаннай сэбиэт эппиэттээх сэкирэтээрэ Анна Слепцова оҕолор дьиэ кэргэнинэн түспүт хаартыскаларын мунньан ис хоһоонноох бэргэн этиилэр сыһыарыллыбыт презентациятынан түмүктэннэ.
Ленскэй нэһилиэк олохтоох дьаһалтата