«Азия оҕолоро» Норуоттар икки ардыларынааҕы VIII спорт оонньуутугар волейболга Саха сирин сүүмэрдэммит хамаандатыгар Нам улууһун 7 уола оонньуур. Барыллааһын күрэхтэһии бэҕэһээҥҥиттэн «Стерх» спорт комплекска буола турар.
Саха сирин хамаандата бэҕэһээ Беларусь хамаандатыгар 0:3 ахсаанынан хоттордулар. Ол да буоллар эрэллэрэ улахан.
«Дьиэбитигэр, уоппутугар, оонньуурбут эрэли саҕар. Оҕолор утумнаахтык дьарыктаммыттара. Олус күүстээх хамаандалар кэлбиттэр. Дойдубутугар үчүгэй оонньууну көрдөрүөхтээхпит диэн сыал-сорук турар. Бүгүн 16 ч. 30 мүн. Урал федеральнай уокурук хамаандатын кытары оонньуохпут», — диэн Саха сирин сүүмэрдэммит хамаандатын тренерэ Айсен Жерготов иһитиннэрдэ.
От ыйын 2 күнүгэр Казахстан, 3 чыыһылаҕа Уһук Илиҥҥи федеральнай уокурук оҕолорун кытары оонньуохтара.
Быһа биэрии: https://www.cagic.org/translations
Семен Аргунов