Ахсынньы 30 күнүгэр Нам с. общественниктар дьиэлэригэр бэтэрээн дуобатчыттар Саҥа дьыллааҕы турнирга, Моруос оҕонньор бирииһигэр, күөн көрүстүлэр. Барыта 16 дуобатчыт оонньоото.
Сытыы киирсиилэр түмүктэринэн 1 м. — Кычкин Григорий (12,5 оч., Граф Биэрэгэ), 2 м. – Иннокентий Лаврентьев (10,5 оч., 1 Хомустаах), 3 м. – Розалия Егорова (10 оч., Нам) ылан, күрэхтэһиини түмүктээтилэр уонна Моруос оҕонньор бирииһинэн — Саҥа дьыллааҕы тортарынан наҕараадаланнылар. Тэҥ көрдөрүүлээх, 9-туу очкону хомуйбут Егор Леонтьев (Хамаҕатта) уонна Анатолий Матвеев (Хатыҥ Арыы) минньигэс бириискэ эмиэ тигистилэр. Тортары дуобат спордун өйөөччү Алексей Кузьмин спонсордаата.
Турниры дуобат энтузиаһа Анатолий Матвеев иилээн-саҕалаан ыытта. Бэтэрээн дуобатчыттар бу күрэхтэһиинэн 2024 сыллааҕы дуобат сезонун түмүктээтилэр.
Касьян Олесов-Олук