В.П. Артамонов аатынан саха-француз лицейигэр Саха сиригэр Ийэ күнүн көрсө, «Мама, папа и я — спортивная семья» күрэҕи лицей иһинээҕи «Старт» кулууп көҕүлээн ыытта. Ону тэҥэ, хамаандалар Бүтүн Россиятааҕы «Семейная команда» спортивнай фестиваль программатыгар кыттыстылар. Онно улуустааҕы «Движение первых» оҕо хамсааһынын салаатыттан Анна Ядрихинская, Сахаяна Васильева кэлэн тэрээһини ыыттылар.
Бу фестивальга кыра кылаас үөрэнээччилэрэ төрөппүттэринээн кытыннылар. Ол курдук, 1 кылаастан Новгородовтар, 2-тэн Барашковтар, 3-тэн Саввиновтар уонна Харитоновтар, 4 кылаастан Ушницкайдар хамаандалара кииристилэр. Түмүккэ Октябрина, Марк Барашковтар кыыстарынаан Уйгулааналыын — бастакы, Саввиновтар — иккис, Харитоновтар үһүс миэстэ буоллулар. Бары дьиэ кэргэн хамаандаларыгар Бүтүн Россиятааҕы бырайыакка кыттыыны ылбыттарын туоһулуур сертификаттар уонна «Движение первых» мэтээллэрэ туттарылыннылар.
Мария Винокурова