Нам улууһугар сэтинньи 9 күнүгэр кыргыттарга уонна уолаттарга волейболга “Открытие сезона” өрөспүүбүлүкэтээҕи аһаҕас турнир ыытылынна.
Намҥа 2012 с. төрүөх уонна онтон кыра саастаах оҕолорго ыытыллыбыт өрөспүүбүлүкэтээҕи турнир тэрээһиннээхтик ааста. Күрэхтэһиигэ Хаҥаластан, Үөһээ Бүлүүттэн, “Стерх” Оҕо спорт оскуолаттан, “Айыы-Кыһата” национальнай гимназияттан, “Морита” волейбол оскуолаттан, Ньургун Тимофеев аатынан өрөспүүбүлүкэтээҕи Олимпийскай эрэл спорт оскуолаттан барыта 96 эдэр волейболистаах 10 хамаанда күрэхтэспит.
Уолаттарга кыайыыны Саина Флегонтова тренердээх Үөһээ Бүлүү оскуолатын иитиллээччилэрэ ылбыттар. Иккискэ Намтан Тимур Константинов уолаттара тахсыбыттар. Үсүһү Анатолий Татаев тренердээх “Морита” волейбол оскуола үөрэнээччилэрэ ылбыттар.
Кыргыттарга Хаҥаластан Екатерина Егорова иитиллээччилэрэ тэҥнээхтэрин булбатахтар. Иккискэ Диана Готовцева тренердээх Нам кыргыттарга тахсыбыттар. Үһүс миэстэни “Морита” волейбол оскуолатыттан турбут 2-с хамаанда ылбыт.
Өрөспүүбүлүкэтээҕи аһаҕас турнир “бастыҥ оонньооччулара” анал ааттары уолаттарга Иванов Дамир (Нам), Гоар Александр (“Морита-1”) уонна Жерготов Айтал (Нам) турнир саамай эдэр оонньооччута анал ааттары ылбыттар. Кыргыттарга бастыҥ оонньооччуларынан Васильева Мирослава (Ханалас), Иванова Мичийэ (Нам), Ан Кристина (“Морита-1”) ааттаммыттар.
“Кыайыылаахтары эҕэрдэлиибит! Инникитин иитиллээччилэрбитигэр, эдэр волейболистарга ситиһиини, таһаарыылаах оонньууну, дьулууру баҕарабыт!” – диир тренер Диана Александровна.
Харысхан Попов