И.Д. Винокуров-Чаҕылҕан аат. Намнааҕы алын сүһүөх оскуолата Бүтүн Россиятааҕы «ЭкоГТО» диэн фестивальга кытынна.
Бу бэрт интэриэһинэй үөрэх, оонньуу аҥаардаах тэрээһин «Движения первых» диэн Бүтүн Россиятааҕы оҕо уонна ыччат общественнай хамсааһын көҕүлээһининэн, балаҕан ыйын 18-29 кк. буола турар. Оскуола үһүс кылаастарыгар «Экомаркет», «Мастера переработки», «Редкий вид», «Огнеборцы», «Сортировочная», «Чистая линия» диэн түһүмэхтэринэн оонньуу ыытылынна.
Хас биирдии түһүмэхтэн оҕолор олус элбэҕи, саҥаны биллилэр. Холобура,
«Экомаркет» станцияҕа хамаанда экология хараҕынан саамай туһалаах, ыраас бородуукталары хомуйда. Оттон «Мастера переработки» станцияҕа бэриллибит маллар туохтан оҥоһуллубуттарын таайдылар. «Огнеборцы» станция кыттааччылара баһаарынай оруолугар холоннулар. Бу курдук хас биирдии станцияҕа бэриллибит элбэххэ үөрэтэр сорудахтары оҕолор көхтөөхтүк, үөрэ-көтө толордулар. Хамаандалар сатабыллаахтарын, билиилээхтэрин көрдөрдүлэр.
Түмүгэр кыттааччыларга «ЭкоГТО» туттарбыттарын туоһулуур сертификаттар туттарылыннылар.
Тэрээһини оскуола директорын сүбэһитэ Мария Обутова, директоры иитэр үлэҕэ солбуйааччы Саргылана Юшкова, эбии үөрэхтээһин педагога Айсен Васильев ыыттылар. Волонтердар быһыытынан кылаас салайаfччылара Любовь Сорокоумова, Ольга Сивцева, учууталлар Дайаана Протопопова, Степанида Парнякова, Станислав Андреев көмөлөстүлэр.
Бу «ЭкоГТО» фестиваль айылҕаҕа харыстабыллаахтык сыһыаннаһарга иитэр, онуоха оҕолору бэлэмниир, үөрэтэр ураты хамсааһын. Тулалыыр күөх эйгэбит көмүскэлигэр бастакылар кэккэлэригэр турунан, мэлдьи бэлэмнээх буоларга ыҥырар кыаҕы биэрэр.
Мария Обутова, оскуола директорын сүбэһитэ