Элбэх оҕолоох дьиэ кэргэттэр балаҕан 1 күнүттэн коммунальнай өҥөлөргө 30 % чэпчэтии көрүллэрилэригэр сайабылыанньа суруйан саҕалыахтара. Чэпчэтии күүһэ чааһынай дьиэлэрэ киин ититиигэ холбоммотох да буоллаҕына көрүллүөҕэ. Ону тэҥэ, чэпчэтии уунан хааччыйыыга, убаҕас ууну тиэйиигэ эмиэ көрүллэрэ этиллэр.
Ол курук, РФ Президенэ Владимир Путин “О мерах социальной поддержки многодетных семей” тохсунньу 23 күнүнээҕи 2024 с. 63 нүөмэрдээх ыйааҕынан уонна СӨ Ил Дархана Айсен Николаев “О дополнительных мерах социальной поддержки многодетных семей в Республике Саха (Якутия)” тохсунньу 23 күнүнээҕи 2024 с. 63 нүөмэрдээх ыйааҕынан СӨ Правительствота Саха сирин элбэх оҕолоох дьиэ кэргэттэрэ олорор дьиэ уонна коммунальнай өҥө төлөбүрдэригэр от ыйын 25 күнүттэн 30 % чэпчэтии олохтоото.
Чэпчэтиинэн үстэн элбэх оҕолоох ыаллар туһаныахтара, ол иһигэр 23 саастарыгар диэри оҕолоро устудьуон эбэтэр армияҕа сулууспалыыр буоллаҕына 30 % чэпчэтиигэ хапсаллар.
Чэпчэтиилээх өҥөнөн туһанарга элбэх оҕолоохтор балаҕан ыйын 1 күнүттэн сайабылыанньаларын государственнай өҥө региональнай портал (РПГУ e-yakutia.ru) нөҥүө эбэтэр “Мои Документы” офиска кэлэн туттарыахтара.
Иһитиннэрии туһунан сиһилии “Агенство субсидий” официальнай сайтыгар булуохха сөп: http://subsidii-jku.ru/ эбэтэр 8-800-222-50-70 нүөмэргэ эрийэн билсиэххэ сөп.