«Эҥсиэли» такси сулууспата «Үтүө санаа харыйата» акцияҕа сылын аайы көхтөөхтүк кыттар.
Быйылгы үтүө хамсааһыҥҥа Ленскэй нэһилиэк уонна улуус дьаһалтата биллэрбит акцияларыгар тэҥинэн кытынна. Ол курдук, Намынан, Дьокуускайынан барыта 8 ыал оҕотугар Саҥа Дьыллааҕы минньигэс бэлэхтэри үөрдэ-көтүтэ туттардылар. Соһуччу үөрүүгэ төрөппүттэр: «Улахан махтал! Суолгут көнө, алгыстаах буоллун, кэлэн иһэр Саҥа Дьылынан!»- диэн харда махтал тылларын тиэрдэллэр.
«Эҥсиэли» такси сулууспатын түмсүүлээх суоппардара бу курдук бары үтүө хамсааһыннарга, саҕалааһыҥҥа мэлдьи кыттан, нэһилиэнньэ махталын ылаллар.
«Эҥсиэли» хаһыат