Бэҕэһээ, муус устар 9 күнүгэр, Нам сэлиэнньэтин «Хардыы» хотугу хаалыктаах хаамыы түмсүүтэ уонна Нам улууһун хаалыктаах хаамыы федерациятын бэрэссэдээтэлэ Дмитрий Елисеев Таастаахха икки сиргэ — оскуолаҕа уонна кулуупка, Искра нэһилиэгэр оскуола учууталларыгар маастар-кылаас көрдөрдүлэр. Хас биирдии кэлбит киһини испииһэктээн нэһилиэгинэн бөлөх оҥорон тэрийдилэр.
Маны тэҥэ, чэпчэтиилээх акцияҕа кыттыһан, Таастаах нэһилиэгин 4 биэнсийэлээх олохтооҕор “Эҥсиэли” хаһыакка суруттаран бэлэх ууннулар. Инникитин Наммыт улууһун соҕуруу нэһилиэктэригэр маастар-кылаастары көрдөрө бараллара былааннанар.
Лена Корякина