Сааскы халаан уутун иэдээнэ биһиги урбаанньыттарбытын эмиэ таарыйда. Ол курдук: Граф Биэрэгэр «Надежда» маҕаһыын, урбаанньыт Власова Надежда Вячеславовна; «Алина» маҕаһыын, урбаанньыт Стручков Василий Семенович; «Графский Берег» турбаза, урбаанньыт Сивцев Александр Петрович; «Гостевой дом», урбаанньыт Игнатьев Василий Васильевич; Аппааны бөһүөлэгэр урбаанньыт Марков Тимур Германович уу кутар сыаҕа.
Халаан уутун содула урбаанньыттарга улахан хорумньуну таһаарда. Граф Биэрэгэр урбаанньыттар маҕаһыыннара, базалара эмсэҕэлээтэ, астара сытыйда, туттар бытовой техникалара умайда, маҕаһыыннар, сыах, сынньанар эбийиэктэр ууга былдьанан эмсэҕэлээтилэр, тутуу матырыйааллара ууга бардылар.
Бары билэрбит курдук, бүтүн улуус үрдүнэн халаан уутуттан эмсэҕэлээбиттэргэ Нам улууһун урбаанньыттара күүс-көмө буолаллар. Бу ыарахан кэмнэргэ, халаан уутуттан эмсэҕэлээбит улууспут урбаанньыттарыгар өрөспүүбүлүкэ көмөлөһүө диэн эрэнэбит.
Надежда Сивцева