Саха-француз лицейин маҥнайгы кылааһын үөрэнээччилэрэ Сунтарова Анжелика, Новгородов Сандал “Олоҥхо Дойдутун оҕотобун” XXVII өрөспүүбүлүкэтээҕи фестивальга кыттан, “Кэскиллээх бөлөх” анал ааты ыллылар. Бу ситиһиилэринэн аны сайын Амма улууһугар ыытыллар Олоҥхо ыһыаҕар кыттар чиэскэ тигистилэр.
Биһиги оҕолорбут Дьокуускайга кулун тутар 27-29 күннэригэр А.Е. Кулаковскай аатынан норуоттар доҕордоһууларын дьиэтигэр буолбут күрэскэ Горнай, Амма, Ньурба, Сунтаар, Бүлүү, Уус Алдан, Мэҥэ Хаҥалас улууһун олоҥхоһут оҕолорун кытта күрэхтэстилэр.
Бөлөхпүт салайааччыта “Тускул” уһуйаан иитээччитэ — Татьяна Протопопова. Татьяна Алексеевна оҕолорбутун уһуйаан саҕаттан Олоҥхоҕо уһуйан улахан ситиһиилэр кэлэн эрэллэриттэн биһиги, төрөппүттэр үөрэбит, астынабыт. Үөрэх туйгуна, үөрэх эйгэтин бочуоттаах үлэһитэ, РФ үөрэҕин бочуоттаах үлэһитэ күндү Татьяна Алексеевна Протопоповаҕа эҕэрдэбитин тиэрдэбит.
Новгородовтар, Сунтаровтар дьиэ кэргэттэрэ