Хамаҕатта орто оскуолатын 1974 сыллаахха бүтэрбит выпускниктар 50 сыллаах үбүлүөйдэрин бэлиэтээтилэр. Кинилэри саҥа оскуолаҕа директор Анатолий Дьяконов үөрэ-көтө көрсөн эҕэрдэлээтэ.
Салгыы үөрэппит учууталлара РФ үөрэҕириитин туйгуна, Нам улууһун Ытык киһитэ, педагогическай үлэ ветерана Николаева Евдокия Семеновна, РФ үөрэҕириитин туйгуна, Нам улууһун Ытык киһитэ, тустууга СССР спордун маастара үөрэх, спорт ветерана Федоров Денис Степанович үөрэнээччилэригэр интэриэһинэй уруоктары ыыппыттара сонун буолла. Онтон оскуола музейын үлэһиттэрэ Мухина М.А., Петрова Я.Р. музейы билиһиннэрдилэр.
Выпускниктар оскуолаларыгар өйдөбүнньүк бэлэх — ыскамыайка, буклет туттардылар, үйэлэргэ хаалар хаартыскаҕа түстүлэр.
Маргарита Охлопкова