Хамаҕатта олохтоох библиотеката Ийэ тыл, сурук-бичик күнэ чэрчитинэн кинигэ быыстапкатыттан саҕалаан нэдиэлэ устата араас тэрээһиннэри ыытта.
В.П. Артамонов аатынан саха-француз лицей интернатын оҕолоругар “Сахалыы төһө сөпкө саңарабыт?” диэн “ТОК” өй күрэҕэ, өрөспүүбүлэкэтээҕи “Таптыыр сахам тылынан” акцияҕа 4-с, 5-с “а”, 5-с “б”, 7-с “а”, 7-с “б” кылаас үөрэнээччилэрэ, уопсайа 46 оҕо ыйытыктары толордулар.
“Түһүлгэ” норуот айымньытын киини кытта “Хоһоон ааҕыытын түһүлгэтэ” тэрийэн 26 ааҕааччы хоһоон эгэлгэтин аахтылар.
Үгэскэ кубулуйбут “Сахалыы дьыктаан” акцияҕа 14 киһи кыттыыны ылла. Кыттааччылар төрөөбүт тылларынан төһө сөпкө суруйалларын бэрэбиэркэлэннилэр. Баһылык Евгений Ушницкай олохтоох дьаһалтаттан 7 үлэһитин кытта киирэн суруйдулар. Ол курдук, “үчүгэй суруксут” — 6, “бастың суруксут” — 3, “Бастыңтан бастың суруксут” — 2.
Марина Корякина, олохтоох библиотекарь