Хамаҕатта нэһилиэгэр урукку холкуос саҕанааҕы ыскылаакка бөрөнү, дьабараны бултаһарга туттуллар дьаат өр сылларга кыайан хараллыбакка сытынан-сымарынан тунуйара, тулалыыр эйгэҕэ кутталы үөскэтэрэ.
Ол кыһалҕаны нэһилиэк олохтооҕо Николай Иннокентьевич Семенов хас улахан мунньах аайы кэккэ сылларга арахсыбакка туруорсара да, кыаллыбакка сылдьыбыта, дьон эрэйи көрбүтэ. Онтон Ньургун Тимофеев Ил Түмэн депутата буолан баран бу боппуруоһу ылсан, бэрт түргэнник быһаарбыта. Ол курдук, дьааты тиэйэн, ампаарын көтүрэн, миэстэтин ыраастаан кэбиспиттэрэ.
Онон олохтоохторго Ньургун Тимофеев депутат быһыытынан оҥорбут үтүөтэ умнуллубат, бүгүн төрөөбүт күнүгэр махталынан ахтыллар.
Мария Винокурова