“Бастакылар хамсааһыннара” Бүтүн Россиятааҕы оҕо уонна ыччат улуустааҕы түмсүүтэ, Намнааҕы 1-кы нүөмэрдээх оскуола үөрэнээччилэрэ, Илья Винокуров аатынан Намнааҕы педагогическай колледж устудьуоннара “Стань заметным на дороге! Засветись!” диэн акцияҕа кытыннылар.
“Акция сыала-соруга төрөппүт оҕотугар болҕомто уурарыгар олоҕурар. Ыас хараҥа күһүҥҥү киэһэлэр саҕаланнылар. Уулуссаҕа оҕо хааман иһэрин көрдөрөр таҥас кэтиллэрин төрөппүт хааччыйыахтаах. Сырдатар бэлиэлэр суол быһылааныгар түбэһиннэриэхтэрэ суоҕа. ”, – диир ГАИ инспектора Ольга Павлова.
Төһө да хараҥа таҥаһы ордорооччу элэҕин үрдүнэн, сылтан-сыл сырдыгы кэтээччи ахсаана элбиир. Массыына фааратыгар чаҕылхайдык көстөр таҥаһы, бэлиэни иилинии быраабыланан ирдэнэрин инспектор Ольга Павлова тоһоҕолоон этэр. Ол курдук, оҕобут төһөнөн элбэх сырдык бэлиэни таҥаһыгар иилинэр да, суоппар оҕону көрөрүгэр кыаҕа улаатар, үрдүүр.
Харысхан Попов