Хатыҥ-Арыы нэһилиэгэр үһүс төгүлүн «Эр бэрдэ» диэн тэрилтэлэр эр дьоннорун икки ардыларыгар күрэх ыытылынна.
«Чороон» норуот айымньытын киинин көҕүлээһининэн маҥнайгы күрэхтэһии 2020 с., ыытыллыбыт, онтон 2023 с. сөргүтүллүбүт. Бу күрэх «Чороон» норуот айымньытын киинин специалиһа Степан Находкин этиитинэн ыытыллан саҕаламмыта. Быйыл нэһилиэккэ Доруобуйа уонна физическэй култуура сылынан күрэх өссө көдьүүстээхтик ыытылынна.
Уопсайа нэһилиэктэн 10 хамаанда эр дьонун туруорда: олохтоох дьаһалта, “Мааркыс”, ХАСОШ, Затон, СТНГ, музей, “Сандаара”, “Чороон 1”, “Чороон 2”, спорт отдел уонна звукостудия. Күрэхтэһии икки күн устата уопсайа алта көрүҥҥэ ыытылынна. Олунньу 26 күнүгэр Аппааны сэлиэнньэтин КСК спорт.саалатыгар дартс, остуол тенниһэ, ытыы, олунньу 27 күнүгэр Кыһыл Дэриэбинэ «Сайдыы» сынньалаҥ киинигэр бильярд, крон-холл, хабылык-хаамыска күрэҕэ буолла.
Көрүҥүнэн теннискэ, кронхолга, теннискэ–«Мааркыс», ытыыга-«Звукостудия», дартска-«Затон», бильярдка- «Администрация», хабылык-хаамыска–«СТНГ» хамаандалара инники күөҥҥэ таҕыстылар. Күрэхтэһии түмүгүнэн 1 миэстэни – «Мааркыс» хамаандата Владимир Ильин, Иван Эверстов, 2-с миэстэни- «Администрация» Владимир Оконешников, Иван Эверстов, 3-с миэстэни – «Затон» Андриан Протопопов, Федот Герасимов ыланнар мэтээллэринэн, грамотанан, муҥутуур кыайылаах “Мааркыстар” көһө сылдьар кубогынан наҕараадаланнылар. Күрэх спонсорыгар «Хатыҥ-Арыы нэһилиэк» МТ баһылык Иван Ноговицыҥна, тэрийээччилэргэ «Чороон» норуот айымньытын киинигэр, нэһилиэк спорт отделыгар махтал тылларын тиэрдэбит.
Надежда Сивцева