Оҕо-аймах долгуйа кэтэһэр «Бал Главы-2023» бырааһынньыга Аппааны бөһүөлэгэр «Чороон» норуот айымньытын киинигэр тохсунньу 16 күнүгэр үрдүк таһымнаахтык ааста.
Ороһооспотооҕу нэһилиэкпит бастыҥ үөрэнээччилэригэр, спортсменнарга уонна араас хайысхаҕа ситиһиилээх оҕолорго анаан ыытыллар бырааһынньык номнуо быйыл 12 сылын ыытылынна. Бу тэрээһин аан маҥнай нэһилиэк урукку баһылыга Юрий Иннокентьевич Слепцов көҕүлээһининэн ыытыллан саҕаламмыта, онтон номнуо үтүө үгэскэ кубулуйан сылын аайы ыытыллар.
Быйыл Хатыҥ Арыы нэһилиэгэр олорор, пропискалаах, ол гынан баран Нам улууһун атын оскуолаларыгар туйгуннук уонна үчүгэйдик үөрэнэр оҕолор эмиэ ыҥырылыннылар. Ол курдук, Нам 1 №-дээх, 2-с №-дээх, 3-с №-дээх, Начаалынай оскуолаларыттан, Намнааҕы гимназияттан, ХСФЛ-тан, 2-с Хомустаахтан оҕолор кэлэн ыалдьыттаатылар.
Бу күн үгүс оҕо киэргэнэн, төрөппүттэрин, учууталларын кытта саалаҕа олорон, Хатыҥ Арыы нэһилиэгин Иван Ноговицын бэлэхтэрин туттулар. Баалга уопсайа 36 туйгуннук үөрэнэр оҕо эҕэрдэ суруктары, минньигэс бэлэхтэри туттулар. Маны тэҥэ, үчүгэй үөрэхтээх 206 оҕо, номинаннар уопсайа 271 оҕо чиэстэннэ.
Бастыҥтан бастыҥ үөрэнээччилэр, спортсменнар, общественниктар баһылык анал номинацияларын хаһаайыттарынан буоллулар: «Ученик года» — И.Е. Винокуров аатынан Хатыҥ Арыы орто оскуолатын 10 кыл. үөрэнээччитэ Юлиана Неустроева (сал. Туйара Винокурова, черчение учуутала), «Ученик года» — Затоннааҕы ситэтэ суох орто оскуола 7 кыл. үөрэнээччитэ Эсмиральда Андреева (кыл. сал. Григорий Пермяков), «Лидер года»- И.Е. Винокуров аатынан Хатыҥ Арыы орто оскуолатын 11 кыл. үөрэнээччитэ Нарыйаана Калачева (сал. Матрена Винокурова педагог-организатор, Пелагея Павлова саха тылын уонна литературатын учуутала), «Юный исследователь» — И.Е. Винокуров аатынан Хатыҥ Арыы орто оскуолатын 8 кыл. үөрэнээччитэ Арина Сивцева (сал. Саргылана Аржакова эбии үөрэхтээһин педагога), «Юный олимпиадник» -И.Е. Винокуров аатынан Хатыҥ Арыы орто оскуолатын 10 кыл. үөрэнээччитэ Алёна Бетюнская (сал. Анна Васильева нуучча тылын уонна литературатын учуутала, Александра Петрова английскай тыл учуутала), «Инновация» — И.Е. Винокуров аатынан Хатыҥ Арыы орто оскуолатын 10 кыл. үөрэнээччитэ Жанна Семенова (сал.Алевтина Алексеева оскуола бизнес-инкубатор куратора), «Успешный старт» — И.Е. Винокуров аатынан Хатыҥ Арыы орто оскуолатын 8 а кыл. үерэнээччитэ Сайаана Андреева (сал. Прасковья Винокурова эбии үөрэхтээһин педагога), «Юный профессионал» — Затоннааҕы ситэтэ суох орто оскуола 9 кыл. үөрэнээччитэ Ксения Борисова (кыл. сал. Надежда Дьяконова), «Юный корреспондент» — Затоннааҕы ситэтэ суох орто оскуола 6 кыл. үөрэнээччитэ Уйгулаана Винокурова (студия сал. Андриан Протопопов, кыл.сал. Евдокия Лебедева), «Открытие года» — Затоннааҕы ситэтэ суох орто оскуола 9 кыл. үөрэнээччитэ Михаил Винокуров (сал.Саргылана Сметанина), «Общественник года» —Затоннааҕы ситэтэ суох орто оскуола 9 кыл. үөрэнээччитэ Айлина Гундарева (кыл. сал. Надежда Дьяконова), «Творческий коллектив» — И.Е. Винокуров аатынан Хатыҥ Арыы орто оскуолатын үөрэнээччилэрэ «Сайдам» үҥкүү бөлөҕө (сал. Варвара Иванова, кыл. сал. Людмила Винокурова, Лена Сивцева).
Онтон спортсмен лауреаттарынан буоллулар: Герасимов Степан – көҥүл тустуу, Затоннааҕы ситэтэ суох орто оскуола 5 кыл.үөрэнээччитэ (тренер Александр Софронов), Колосов Степан – көҥүл тустуу И.Е. Винокуров аатынан Хатыҥ Арыы орто оскуолатын 9 кыл. үөрэнээччитэ (тренер Вячеслав Стрекаловскай), Стручков Павел – көҥүл тустуу, И.Е. Винокуров аатынан Хатыҥ Арыы орто оскуолатын 9 кыл. үөрэнээччитэ (тренер Вячеслав Стрекаловскай), Иванов Тимур – көҥүл тустуу И.Е. Винокуров аатынан Хатыҥ Арыы орто оскуолатын 9 кыл. үөрэнээччитэ (тренер Вячеслав Стрекаловскай), Иванов Кирилл – хапсаҕай, И.Е. Винокуров аатынан Хатыҥ Арыы орто оскуолатын 11 кыл. үөрэнээччитэ (общ. тренер Сергей Ильин), Оконешников Айтал – бокс, И.Е. Винокуров аатынан Хатыҥ Арыы орто оскуолатын 4 “б” кыл. үөрэнээччитэ (тренер Дмитрий Захаров), Стрекаловский Владимир – чэпчики атлетика, И.Е. Винокуров аатынан Хатыҥ Арыы орто оскуолатын 10 кыл. үөрэнээччитэ ( тренер Айхаллаан Местников ) , Парников Сайдам – чэпчики атлетика И.Е. Винокуров аатынан Хатыҥ Арыы орто оскуолатын 9 кыл. үөрэнээччитэ (Айхаллаан Местников), Ильин Андрей – ытыы, мас-рестлинг, И.Е. Винокуров аатынан Хатыҥ Арыы орто оскуолатын 5 кыл. үөрэнээччитэ (тренер Александр Тохтобин), Матвеев Дьулус – дартс, И.Е. Винокуров аатынан Хатыҥ Арыы орто оскуолатын 9 кыл. үөрэнээччитэ (тренер Мария Сивцева). Бары номинаннар салайааччылара, тренердэрэ баһылык Иван Ноговицын грамотатын 2023 сылга үрдүк ситиһиилэрин, көрдөрүүлэрин иһин үөрүүлээх быһыыга туттулар. Хас биирдии ааттаммыт номинаннар кубок, сертификат уонна минньигэс бэлэх туттулар.
Үөрүүлээх тэрээһини И.Е. Винокуров аатынан Хатыҥ Арыы орто оскуолатын үөрэнээччилэрин «Мичийэ» вокальнай ансаамбыл толоруутугар «Маленькие звезды», 8 кылаас үөрэнээччилэрэ «Седая ночь» ырыа, уолаттар вокальнай ансаамбыл — «Тапталым илдьитэ» ырыанан, 4 “а”, “б” кылаас үөрэнээччилэрэ китайскай үҥкүүнэн киэргэттилэр.
Түмүккэ, ыччат сөбүлээн истэр ырыаһыта Эрхан Попов кэлэн оҕолорго истиҥ ырыаларын бэлэх уунна. Нэһилиэкпит тэрээһинэ өрө көтөҕүүлээхтик, үрдүк таһымнаахтык ааһарыгар культурнай программатыгар спонсардаабыт дьоммутугар Хатыҥ Арыы нэһилиэк МТ баһылыгар Иван Ноговицынна, И.Е. Винокуров аатынан Хатыҥ Арыы орто оскуолатын дириэктэригэр Павел Оконешниковка, урбаанньыттарга Виталий Марковка, Евгений Эверстовка уонна «Копир+» ХЭТ дириэктэригэр Борис Новгородовка, оҕолорго бырааһынньыгы үрдүк таһымнаахтык ыыппыт, тэрийсибит «Чороон» норуот айымньытын киинин коллективыгар, салайааччы Саргылана Пономареваҕа истиҥ махталбытын тиэрдэбит, үлэҕитигэр өссө үрдүк ситиһиилэри, чэгиэн доруобуйаны, дьиэ кэргэҥҥитигэр этэҥҥэ буолууну баҕарабыт!
Хатыҥ Арыы нэһилиэгин кэскиллээх ыччата аҕыйах сылынан, төрөөбүт түөлбэлэригэр туһалаах, баай дууһалаах кэлэн үлэлиэхтэрэ-хамсыахтара диэн эрэнэ күүтэбит!
Надежда Сивцева