Хатыҥ Арыы нэһилиэгэр, баһылык Иван Ноговицын кулун тутар 1 күнүнээҕи 019 №-дээх дьаһалынан, икки ыйдаах сааскы ырааһырдыы декадата саҕаланна.
Декада кулун тутар 1 күнүттэн муус устар 1 күнүгэр диэри бастакы түһүмэҕэ, муус устар 1 күнүттэн муус устар 20 күнүгэр диэри иккис түһүмэҕэ ыытыллыаҕа. Манна комиссия тэриллэн, бэрэссэдээтэлинэн баһылык солбуйааччыта Герман Марков ананан, былаан быһыытынан үлэ хаамыыта барар. Комиссия 7 киһилээх састаабынан үлэлиир, номнуо түөрт мунньах ыытылынна.
Ол курдук нэһилиэк үс дэриэбинэлэринэн: Аппааныга, Кыһыл Дэриэбинэҕэ, Граф Биэрэгэр ынахтар уулуур күөллэрин түөлбэлэринэн тахсан ыраастааһыҥҥа суббуотунньук буолла. МАУ «Спектр» тракториһа Дмитрий Лыткин бөҕү тиэйдэ. Хатыҥ Арыытааҕы ветеринарнай пуун үлэһиттэрэ нэһилиэк ыттарыгар быһыы туруораллар, босхо сылдьар ыттардаах дьоҥҥо өйдөтүү үлэтэ ыытыллар.
Ыам ыйыгар нэһилиэккэ көҕөрдүү үлэлэтэ, сайын «Бастыҥ олбуор» күрэх ыытыллара былааннанар.
Хаартыскалар: «Сиэдэрэй» күөлгэ «Саһарҕа» (салайааччы Любовь Максимова), «Чэчир» түөлбэлэр олохтоохторун субуотунньуга
«Дириҥ» күөлгэ «Виктория» түөлбэ субуотунньуктаата, салайааччы Туйара Максимова
Надежда Сивцева