Бүгүн — быыбар иккис күнэ. Бэҕэһээ, кулун тутар 15 күнүгэр Аппааныттан — 541 , Граф Биэрэгиттэн — 188, Кыһыл Дэриэбинэттэн 84 киһи быыбарга кыттыбыт.
Хатыҥ Арыы нэһилиэгин үс быыбардыыр учаастагар бүгүн Кирияна Корякина, Розалия Габышева, Инга Винокурова, Анастасия Григорьева, Александра Платонова, Анжелика Герасимова-Сивцева олоруохтара. Маны тэҥэ, быыбардыыр учаастактарга полиция сотрудниктара дьуһуурустубалыыллар. Бүгүн УИК чилиэттэрэ сайаапканан дьиэнэн кэрийэн быыбардатыахтара.
Кэтээн көрөөччүлэр иһитиннэрбиттэринэн, быыбарга дьиэ кэргэнинэн кэлэн куоластааһын элбээбит, итиэннэ эдэр дьон көхтөөх кыттыыларын бэлиэтииллэр.
Нэһилиэкпит олохтоохторун бу хаалбыт күннэргэ Дойдубут президенин быыбарыгар кэлэн көхтөөхтүк кыттан, куоласкытын биэрэргитигэр ыҥырабыт!
Надежда Сивцева
Санатар буоллахха, Дойду президенэ Владимир Путин Дьиэ кэргэн сылын чэрчитинэн биллэрбит бырайыагар күн бүгүн Саха сириттэн 1000 тахса дьиэ кэргэн кыттар. Бырайыак саайта: https://всейсемьей.рф/