Хатыҥ-Арыы нэһилиэгэ сыллата ППМИ («Программа поддержки местных инициатив») программаҕа ситиһиилээхтик кыттар.
Кэккэ сылларга нэһилиэккэ араас бырайыактар ол курдук: уулуссалары сырдатыы Аппаныга, Граф Биэрэгэр, Кыһыл Дэриэбинэҕэ, аныгы оноһуулаах оҕо былаһааккаларын Граф Биэрэгэр, Аппааныга туттарыы, уу ситимин таттарыы, өрүмүөннээһин Аппаныга, Кыһыл Дэриэбинэҕэ кыайаннар үлэҕэ киирбиттэрэ.
Быйыл олохтоохторго үөрэтэн көрүү быһыытынан, бастаан Госуслуга нөҥүө куоластааһын ыытыллыбыта. Манна үс бырайыакка: «Установка вьездной стелы МО «Хатын-Арынский наслег», «Устройство уличного освещения», «Организация предоставления доступа к оптоволокно-оптической линии связи квартала «Озерный» куоластааһын ыытыллыбыта. Госуслуга нөҥүө куоластааһыҥҥа 62 куолаһы ылан «Организация предоставления доступа к оптоволокно-оптической линии связи квартала «Озерный» кыайбыта. Онтон онлайн куоластааһыҥҥа 236 куолаһы ылбыт «Установка вьездной стелы МО «Хатын-Арынский наслег» кыайылаах тахсыбыта. Уопсайа 535 киһи куоластааһыҥҥа кыттыбыта.
Бүгүн алтынньы 15 күнүгэр Аппааны бөһүөлэгин «Чороон» норуот айымньытын киинигэр киэһээ 5 чаастан түмүктүүр куоластааһын нэһилиэнньэҕэ ыытылынна. Барыта сүүстэн тахса киһи кэлэн кыттыыны ылла.
Мунньаҕы нэһилиэк баһылыга Иван Ноговицын салайан ыытта, секретарынан Саргылана Семенова уонна нэһилиэк депутаттарын сэбиэтин председателэ Евгений Жирков буоллулар.
Бу күн элбэх куолаһы ылбыт «Установка вьездной стелы МО «Хатын-Арынский наслег» уонна «Устройство уличного освещения» с. Аппаны ул. Пролетарская-И. Решетникова икки бырайыак түмүктүүр куоластааһыҥҥа турда.
Элбэх куолаһы «Установка вьездной стелы МО «Хатын-Арынский наслег» ылан, 2025 сылга үлэ ыытыллар буолла.
Бырайыак сметатынан уопсайа: 3 074 760,00 солк., ол иһигэр республика бюджета- 2 000 000,00 солк., олохтоох бюджет – 500 000, 00 солк., нэһилиэнньэ кылаата-250 000, 00 солк, спонсорство -324 760 солк. буолуоҕа.
Маны тэҥэ куоластааһын түмүгүнэн биирдии дьиэттэн 500 солк. хомуйарга диэн этиини ылыннылар. Уопсайа нэһилиэккэ 768 дьиэ баар. Бырайыак үлэҕэ киирэригэр «Инициативнай группа» тэриллэн үлэлиэҕэ, онно түөлбэ салайааччылара «Чэчир» Марианна Винокурова, «Саһарҕа» Любовь Максимова, «Виктория» Туяра Максимова, «Сандаара» Александра Платонова, «Восход» Анжелика Алексеева уонна « Молодежка», « Озернай» түөлбэттэн депутаттар киирдилэр.
«Чэчир» түөлбэ салайааччыта Марианна Винокурова: Пролетарская, И. Решетникова уулуссалар уоттара суоҕа, кырдьаҕастарга, оҕолорго кутталы үөскэтэрин иһитиннэрдэ уонна инники сылларга программаҕа киириитин туруоруста. Аппааны олохтооҕо Михаил Сивцев нэһилиэккэ саҥа стела тутулларын өйүүрүн туһунан бэйэтин санаатын үллэһиннэ.
Республикабыт маннык араас программалары үлэлэтэн, бэйэни салайаныы салаатыгар биир сүҥкэн күүс уонна кыах биэрэр, онтон олохтоохтор кыһалҕаны сөпкө өйдөөннөр инники сайдыыга кыттыһаннар, көмөлөһөннөр, эрэллээхтик хардылыыллар.
Үс дэриэбинэлээх Хатыҥ-Арыы нэһилиэгэр саҥа тупсаҕай, киһи хараҕар быраҕыллар стела тутуллуо диэн эрэнэбит!
Надежда Сивцева