Хатыҥ Арыы нэһилиэгин тэрилтэлэрэ, олохтоохторо Санкт-Петербург куоракка госпиталларга сытар байыастарга көмөлөһөр сыаллаах-соруктаах акцияҕа көхтөөхтүк кытыннылар.
Түөрт күн устата нэһилиэкпит олохтоохторо байыастарга анаан сүөһү, убаһа этин, фаршын аҕалан үтүө бачыымҥа кыттыстылар. Биирдиилээн олохтоохтор ис санааларыттан дэлэй көмөнү онордулар, ол курдук Винокуров Максим Ревович 20 киилэ сылгы, Винокуров Геннадий Константинович 15 киилэ ынах, Инга Дмитриевна, Яков Спиридонович Машниковтар 10 киилэ ынах, Марков Юрий Филиппович 8 киилэ сылгы, Кривошапкин Дмитрий Васильевич 6,5 киилэ ынах этин туттардылар.
Нэһилиэк баһылыга Иван Ноговицын тохсунньу 24 күнүгэр Нам улууһун дьаһалтатыгар 101 киилэ ынах, 65 киилэ сылгы, 5 киилэ фарш, сибиинньэ этэ – уопсайа 172,5 киилэ эти туттарда. Улууска акция олунньу 1 күнүгэр диэри ыытыллыаҕа. Үтүө санаалаах, түмсүүлээх нэһилиэкпит олохтоохторугар аахсыйаҕа көхтөөх кыттыыларын иһин барҕа махтал тылларын тиэрдэбит.
Надежда Сивцева, Аппааны