Хатыҥ Арыыга нэһилиэк сайдыытыгар сүҥкэн кылааттарын киллэрсибит, араас хайысхалаах тэрээһиннэргэ кыттыыны ылбыт, үлэҕэ-хамнаска көхтөөх тэрилтэлэр, түөлбэлэр, спорка, айар үлэҕэ, тыа хаһаайыстыбатыгар ситиһиилээх биирдиилээн дьон чиэстэннилэр. Тохсунньуга ыытыллыбыт тэрээһини Нюргуяна Адамова, Горьяна Стрекаловская иилээн-саҕалаан ыыттылар. Бэлиэ түгэн Хатыҥ Арыы нэһилиэгин өрөгөй ырыатынан саҕаланна.
«Нам улууһа» МТ депутаттарын Сэбиэтин председателэ Алексей Винокуров «Хатыҥ Арыы нэһилиэк» МТ бырайыактыыр үлэтин специалиһа Владимир Соловьевка «Нам улууһун ытыктабыллаах киһитэ» бэлиэни туттарда.
Бастакы түһүмэҕинэн спорка үрдүк көрдөрүүлээх спортсмен-лауреаттар: Сергей Семенов – хапсаҕай, Борис Саввинов – бокс, Денис Федоров – мас-рестлинг, Саина Петрова – дзюдо, Петр Сивцев – хапсаҕай, Айсен Назаров – ытыы, гиирэ спорда, мини-футбол, Евдокия Корчанова – ытыы, Мария Сивцева – дартс, Татьяна Замятина – дартс, Наталия Старкова – мас-рестлинг, волейбол — чиэстэннилэр. Наҕараадалары нэһилиэк спорт уонна ыччат отделын дириэктэрэ Егор Бурнашев туттарда.
Хатыҥ Арыы нэһилиэгин депутаттарын сэбиэтин председателэ Евгений Жирков сыл бастыҥ хамаандаларын ааттаата: «Шахмат» (сал. Матвеев А.М.), «Дуобат» (сал. Матвеев А.М.), «Футбол» (сал. Новгородов А.Б.), «Сахалыы многоборье» (састаапка: Антон Тойтонов, Сардана Осипова и Максим Попов). «Спортивный функционер года» — Марина Литвинова, Александр Бетюнский «Спортсмен года по адаптивным видам спорта» лауреат үрдүк аатын сүктүлэр.
Иккис түһүмэххэ «Сыл бастыҥа» анал ааттары, плакеткалары уонна кубоктары баһылык Иван Ноговицын туттарда. Ол курдук, «Лучший сельхозтоваропроизводитель» — ГКФХ ИП «Аргунов Дмитрий Дмитриевич», «Общественный корреспондент» — Надежда Сивцева, «Лучший по профессии» — Дмитрий Лыткин, «Партнерство» — «Прогресс» ХЭТ, дир. Алексей Пинигин, «Содействие» — «Сыдьаайа» иис сыаҕа, сал. Дария Мальцева, састаап: Мария Кривошапкина, Прасковья Куличкина, Варвара Слепцова, Валентина Сивцева, Раиса Уваровская, Галина Суханова, «Лучшая общественная организация» — ветераннар уонна пенсионердар сэбиэттэрэ, сал. Оксана Лебедева, «Творческий коллектив» — 2-с №-дээх «Сандаара» оҕо уһуйаана, сэб. Надежда Маркова, «Организация Года» — МАУ «СПЕКТР», дир. Сергей Парников, «Спортивная семья» — Александр Сергеевич, Анастасия Алексеевна, Амир Тимофеевтар ,«Семья Года» — Семен Николаевич, Ольга Александровна, Марк, Толя, Андрей, Даяна, Коля Игнатьевтар, «Коллектив Года» — «Ромашка» оҕо уһуйаана, сэб. Туйара Матвеева.
Иван Ноговицын сыллата бэйэтэ олохтообут анал ааттарын нэһилиэк олоҕор көхтөөх, дьон махталын ылар нэһилиэгин олохтоохторугар туттартыыр. Ааспыт 2023 сыл Дьиэ кэргэн экономикатын сайыннарыы сылынан биллэриллибитэ, нэһилиэк үгүс ыала кэтэх хаһаайыстыбатыгар Нам улууһун субсидиятыгар кыттан эбии дохуот киллэрбиттэрэ.
Үрдүк анал аатын сүктүлэр: «Дьон махтала» — сайын устата быстала суох уу ситимин биэрбит водопроводчиктар Дьулус Новгородов, Артур Кривошапкин, «Дьулуур» — хаамыы «Чэбдик» бөлөҕө, сал. Наталья Наумова, «Үтүө холобур» — Доруобуйа харыстабылын ветерана, 40 сыл үлэлээн кэлбит Анна Габышева, «Биир ситимнээх үлэ» — «Цветы» маҕаһыын, ИП Касьянова Диалектина Анатольевна, «Үтүө дьыала холобура» — Леонид Чупров, «Сыл оҕото» — Мария Федоровна, Радомир Радомирович кыыстара Сандаара Саха Өрөспүүбүлүкэтигэр 11000-с олохтооҕун аатын сүктэ, «Өлгөм үүт бастыҥ туттарааччыта» — Василий Новгородов, 18 ыанар ынахтаах, 21 туонна 738 киилэ үүтү туттарда, «Өлгөм үүт бастыҥ туттарааччыта» — Инга Дмитриевна, Яков Спиридонович Машниковтар, 8 ыанар ынахтаахтар 17 туонна 768 киилэ үүтү туттардылар, «Тыа хаһаайыстыбатын экономикатын бастыҥа» — Иван Тихонов, «Тыа хаһаайыстыбатын экономикатын бастыҥа» — Екатерина Стрекаловская, «Бастыҥ идэлээх» — Василиса Чирикова, «Бастыҥ общественник» — Мария Чирикова, «Ырыа куттаах» — «Ивушка» вокальный ансаамбыл, муз. сал. Александра Баишева, сал. Анна Охлопкова, «Сыл наставнига» — Зоя Соловьева.
Төрдүс түһүмэх — тэрээһиммит биир саамай чаҕылхай түгэнэ. Ол курдук, Хатыҥ Арыы нэһилиэгэр үтүө дьыалалары оҥорууга, күрэхтэргэ кыттыыга, нэһилиэк чиэһин улуус, республика таһымыгар көмүскээһиҥҥэ күүстээх үлэлээх бастыҥ түөлбэлэри биллибит. Сыл устата түөлбэлэр икки ардыларыгар ыытыллыбыт күрэх түмүгүнэн, бастыҥ түөлбэлэри баһылык Иван Ноговицын, сүрүннүүр специалист Надежда Сивцева эҕэрдэлээн туран анал кубоктары уонна сертификаттары туттардылар: 1 миэстэ -“Виктория” түөлбэ (сал. Максимова Т.М.), 2 миэстэ — “Восход” түөлбэ (сал. Алексеева А.Б.), 3 миэстэ — “Саһарҕа” түөлбэ (сал.Максимова Л.Д.), 3 миэстэ –“Чэчир” түөлбэ (сал. Винокурова М.В.). Маны тэҥэ, “Сандаара” (сал. Платонова А.Р.), “Озернай” (сал. Матвеева А.А.), “Молодежнай” (сал. Игнатьева Т.В.) түөлбэлэргэ тупсаран онорууга сертификаттар туттарылыннылар.
Сыл бастыҥнара тэрээһини киэргэттилэр: «Оһуор» үнкүү бөлөҕө, сал. Варвара Иванова, «Дорҕоон» этно-фольклорнай бөлөх, Марианна Рожина, Андрей Слепцов дуэттара, «Ивушка» вокальнай ансаамбыл (сал. Александра Баишева), «Сыдьаайа» үнкүү бөлөҕө (сал. Анжелика Ноговицына), Нарыйаана Судинова. Ааспыт 2023 сыл ситиһиилэринэн кынаттанан, өссө да үрдүк чыпчаалларга дабайа турдун.
Надежда Сивцева