М.К. Аммосов төрөөбүт түөлбэтигэр, Аччыгый Арыыга, кини төрөөбүт күнүгэр киирэн алгыс ылыы буолла.
Ыраахтан-чугастан элбэх киһи кэлбит. Мэҥэ тааһыгар сибэкки уурдулар. Итиэннэ бары иһийэн туран Лоҥхо уус алгыһын иһиттилэр. Алгыстан үөрбүттүү кыһыҥҥы күн кылбааран таҕыста.
Улуу убайбыт төрөөбүт күнүгэр Алгыс ылыы билигин улуус баһылыгын солбуйааччытынан үлэлиир Юрий Дьяконов олохтуоҕуттан сыл аайы тэриллэр буолла.
Валентин Васильев — Эрчим Баһыл