“Фейерверк талантов” – оҕо бырааһынньыгар тэҥнэнэр күрэх. Талааны, дьоҕуру арыйарга туһуланар.
М.К. Аммосов аатынан култуура дыбарыаһыгар “Фейерверк талантов” оҕо аһаҕас күрэҕэ буолан ааста. 10 үбүлүөйдээх сылын ыытыллар оҕо бырааһынньыгар тэҥнэнэр күрэх оскуола үөрэнээччилэрин талааннарын, дьоҕурдарын арыйарыгар туһуланар.
Саха сиригэр Оҕо саас сыла буоларынан, быйылгы “Фейерверк талантов” күрэх таһыма үрдээбитэ уһуйааччылар кыһамньылаах үлэлэриттэн көстөр. Сыл түмүктэниитэ, “Фейерверк талантов” күрэххэ уһуйааччы уонна үөрэнээччи төһө дьарыктаммыттара, ылсыбыт хайысхаларыгар төһө үлэлэспиттэрэ көстөрүн тэрийээччи Анна Слепцова туоһулуур. Быйылгы күрэххэ 140 кэриҥэ оҕо кыттыыны ылбыт эбит буоллаҕына, аан маҥнайгы буолбут күрэххэ сэлиэнньэттэн 40 оҕо күрэхтэспит.
“Аан маҥнай ыытылларыгар, биллэн турар, чаҕылхайдык ааспыта диэбэккин. Ол курдук, улахан сыанаҕа тахса үөрэммэтэх, бэйэлэрин киэҥ эйгэҕэ көрдөрбөтөх оҕолор бэйэлэригэр эрэлэ суохтара…
Сыанаҕа буоллун, уопсастыбаҕа буоллун, тутта-хапта сылдьыы бэйэҕэ эрэлтэн тутулуктаах. Урукку өттүгэр саҥалара үчүгэйдик иһиллибэт, муммут-тэммит курдук сылдьар буоллахтарына, билигин чыҥха атын.
Доруобуйаларынан хааччахтаах талааннаах, төрөппүт тапталын билбэтэх илиилэригэр сатабыллаах оҕолор элбэхтэр. Кинилэр киһи сөҕөр уруһуйдарын, илиилэрин сылааһынан оҥорор оҥоһуктарын оҥороллор”, – диир Ленскэй нэһилиэк олохтоох дьаһалтатын үлэһитэ Анна Ильинична.
Саҥа дьылга оҕолор туох эрэ дьиктини, аптаах түгэни күүтэллэр. Ол курдук, “Фейерверк талантов” күрэххэ кыттыыны ылбыт оҕолорго бука барыларыгар болҕомто уураннар бэлэх туттардылар. Оннооҕор улахан дьон болҕомтоҕо олус наадыйар. Киһиэхэ бэрт кыра наада.
10 сыл устата бырайыагы өйөөбүт, көмө буолбут тэрилтэлэргэ Ленскэй нэһилиэк баһылыгын аатыттан махтал суруктар туттарылыннылар. Сыл ахсын “Фейерверк талантов” оҕо күрэҕэ үрдүк таһымҥа ыытылларыгар күүс-көмө, тирэх буолар тэрилтэлэр: култуура, управлениета, А.Ф. Шестаков аат. улуустааҕы норуот айымньытын дьиэтэ; П.П. Ядрихинскай-Бэдьээлэ аат. Олоҥхо дьиэтэ, Намнааҕы Оҕо искусствотын оскуолата, үөрэх управлениета, улуустааҕы КДН, социальнай харалта, опека уонна быраабы көмүскээһин отдела, пенсионнай фонд, полиция. Быйыл “Движение первых” кыттыспыт, бэйэтин көмөтүн биэрбит. Ол курдук, “Движение первых”, опека уонна быраабы көмүскээһин отдел оҕолорго анал бириистэри олохтообут.
Номинация кыайыылаахтар:
Декоративнай-прикладной искусство – Партизантан Александра Новгородова оҕолорун Аал луук мас үлэлэрэ кыайыылаах; хореографияҕа Намнааҕы 1-кы нүөмэрдээх оскуола 11 кылааһын үөрэнээччилэрэ, вальс (салайааччы Ольга Кривошапкина); цирковой искусство – Намнааҕы 3-с нүөмэрдээх оскуола үөрэнээччилэрэ Уваровский Айсен, Никонов Денис (сал. Нюргуяна Афанасьева, Светлана Федорова); уус-ураннык саҥарыы – Намнааҕы 1-кы нүөмэрдээх оскуола үөрэнээччитэ Винокуров Илья (сал. Нюрбина Федорова); вокал – Хамаҕатта орто оскуолатын үөрэнээччитэ Портнягин Артур (сал. Екатерина Заболоцкая); мода – Намнааҕы алын кылаас оскуолатын үөрэнээччитэ Дыдаев Сулустаан (сал. Марфа Муксунова); фольклор – “Дьэргэлгэн” ансаамбыл (сал. Вера Цыпандина); көрөөччүлэр биһирэбиллэрэ – Уус Алдантан Суотту орто оскуолатын үөрэнээччилэрэ (сал. Роза Бубякина); Сыл дебюта – Намнааҕы 1-кы нүөмэрдээх оскуола үөрэнээччитэ Лазарева Джемма (сал. Анисия Иванова); Бастыҥ салайааччы – Суотту орто оскуолатыттан Роза Бубякина.
Дипломаннар:
1-кы истиэпэннээх дипломант – Лыткина Намыына (Намнааҕы 3-с нүөмэрдээх оскуола, сал. Татьяна Федорова); 2-с истиэпэннээх дипломант – Филиппов Андреян (Бөтүҥ орто оскуолата, сал. Надежда Макарова); 3-с истиэпэннээх дипломант – Саввинова Ангелина, Яковлева Алена (Намнааҕы 1-кы нүөмэрдээх оскуола, сал. Марина Рожина, Мария Дьяконова).
Лауреаттар:
1-кы истиэпэннээх лауреат – Колпашникова София (Намнааҕы 2-с нүөмэрдээх оскуола, сал. Светлана Уваровская); 2-с истиэпэннээх лауреат – Калининская Валерия (Оҕо искусствотын оскуолата, сал. Мичилина Попова); 3-с истиэпэннээх лауреат – Попов Ким, Сивцев Айысхан (Түбэ орто оскуолата, сал. Ольга Куприянова).
—
Гран-При – З.П. Винокуров аатынан Намнааҕы Оҕо искусствотын оскуолатын иитиллээччитэ Петрова Элеонора (сал. Дора Корякина). Петрова Элеонора анал кубогынан уонна ДНС маҕаһыыҥҥа 10 тыһ. суумалаах сертификатынан наҕараадаланна.
Харысхан Попов