Улууспутугар бөҕү-сыыһы хомуйар «Якутскэкосети» тэрилтэ өҥөнөн туһанааччыларга, суут бирикээһин кэтэспэккэ коммунальнай өҥөҕүтүн бириэмэтигэр төлөөҥ диэн ыҥырар.
РФ ЖК 154 ыст. 4.5 п. этэринэн, «Обращение с ТКО» коммунальнай өҥө буоларынан, ый 10-с чыыһылатыгар диэри булгуччулаахтык төлөнүөхтээх. Төлөбүр кээмэйэ дьиэҕэ хас киһи регистрацияламмытынан быһаарыллар.
Өскөтүн хаһаайын төлөбүрү икки ыйтан ордук уһатар буоллаҕына, региональнай оператор специалистара иэһи суут нөҥүө төлөтөн саҕалыыллар. Иэһи таһынан манна эбии суут ороскуоттарын уонна госпошлинаны төлүүргэ тиийиллэр.
Онон иэһи-күүһү суутунан эргиппэккэ, өҥө иһин төлөбүрү бириэмэтигэр төлөөҥ диэн «Якутскэкосети» региональнай оператор санатар.
Бэлиэтээн эттэххэ, Нам улууһун үрдүнэн бөх иһин иэс 18 мөл.152 тыһ. солк. кэриҥэ буолбут.
