Республика күнүнэн сибээстээн, 25 чыыһылаҕа, Хатырыкка СӨ Ил Дархана А. Николаев кэлэрэ былааннанар. Улуус үрдүнэн СВО—ҕа 4200000 солк. хомулунна. Бу күннэргэ көмөнү илдьэ 5 киһи айаҥҥа турунна.
Ыалларбытыгар Модукка баран уопут атастаһан кэллибит. Икки улахан кооперативка хайдыһан үлэлии олороллор эбит. Сылгыны иитиигэ 43 хаһаайыстыба, хороҕор муостаахха 50—тан тахса ыал кыттыһан үлэлииллэр эбит. Хотоҥҥо 120 сүөһү кыстаан турар, 2 овощехранилище үлэлиир.
“Кырадаһын” түмсүү (сал. Н.В. Соропова) үлэтэ Казахстаҥҥа быыстапкаҕа барда.
Сааскы таммахтар куонкуруска 86 киһи кытынна. Улуустааҕы гимназия хора Гран—при буолла.
“С песней по жизни” куонкуруска “Уйгу” ансамбль I истиэпэннээх лауреат буолла.
Бу ый 18 күнүгэр олоҥхоһут Бочоох 115 сылыгар тэрээһин буолла.
Улууска бэтэрээннэр сэбиэттэрин председателинэн Кобякова Софья Дмитриевна иккиһин талылынна.
Муус устар 19-21 күннэригэр үгэс буолбут волейболга М. Аммосов кубога 27—с төгүлүн ыытыллар. Күрэхтэһии 4 сааланан барыаҕа: КСМФЦ, ХСОШ, Маймаҕаҕа, Модукка.
Бэтэринээрдэр 850 төбөнү хааннаатылар, ол иһигэр Хатырыкка 716 төбө. Бүгүҥҥү туругунан, 140 сүөһү төрөөбүт. Модьууҥҥа быһыы барыахтаах.
Баһаарынайдар 18 чыыһылаҕа Бөтүҥҥэ үөрэннилэр, 25-кэ гарнизоннай күрэххэ барыахтаахтар. Быйыл баһаарынай чаас тэриллибитэ 25 сылын туолуохтаах.
Эрчим Баһыл