П.П. Юмшанов аатынан Намнааҕы Оҕо спорт оскуолатыгар ахсынньы 7-8 күннэригэр көҥүл тустууга аан дойдутааҕы кылаастаах спорт маастара Иннокентий Зырянов аатынан өрөспүүбүлүкэтээҕи турнир ыытыллыаҕа.
Көҥүл тустууга Иннокентий Зырянов аатынан өрөспүүбүлүкэтээҕи турнир улаатан эрэр уолаттар күүстэрин тургутарынан, улахан көбүөргэ кынаттыырынан биллэр. Ол курдук, Нам улууһун олохтоохторо, тустууну сэргээччилэрэ икки күн устата Култуура-спорт комплексыгар кэллэннэр бүгүҥҥү эдэр тустууктар хапсыһыыларын көрүөхтэрэ. Ким кыайыыга дьулуурдаах ол аата ааттаныаҕа! Турнир кыайыылаахтара өрөспүүбүлүкэ сүүмэрдэммит хамаандатыгар киириэхтэрэ.
2010 сыллаах төрүөхтэр уонна онтон кыра саастаах уолаттар маннык ыйааһыннарга тустуохтара: 42 кг, 46 кг, 54 кг; 2010-11 сыллаахтар 35 кг, 38 кг, 41 кг, 44 кг, 48 кг, 52 кг, 57 кг, 62 кг, 68 кг, 75 кг, 85 кг, 100 кг. Оттон 2006-09 сыллаах төрүөх кыргыттар 50 кг ыйааһыҥҥа көрсүөхтэрэ.
Ахсынньы 7 күнүгэр көҥүл тустуу көбүөрэ оҕолору 11.00 ч хапсыһыннарбытынан барыаҕа. Биир дойдулаахпыт Иннокентий Зырянов аатынан өрөспүүбүлүкэтээҕи турнир үөрүүлээх аһыллыыта бу күн 14.00 ч буолуоҕа.
Харысхан Попов