Нам сэлиэнньэтин “Ипподром” түөлбэ олохтоохторо сааскы халаантан эмсэҕэлээбит Модут уонна Граф Биэрэгин дьиэ кэргэттэригэр көмө оҥорбуттара.
“Төрөөбүт “Ипподром” түөлбэм олохтоохторо кэлэннэр материальнай көмө оҥорбуттарыттан олус диэн долгуйбутум. Уустук быһыыга-майгыга туора турбакка күүс-көмө буолбут дьоммор-сэргэбэр махтанабын уонна маннык Нам улууһа маннык үтүө майгылаах дьоннордоохпутуттан мин дьоллоохпун.
Күүстээх активтаах “Ипподром” түөлбэ Ленскэй нэһилиэк уонна Нам улууһа ыытар бары тэрээһиннэригэр көхтөөхтүк кыттан үгүс ситиһиилэнэрин билэбин. Кинилэр үгүс акциялары, саҥаттан-саҥаны олоххо киллэрэллэриттэн, дьону үтүө көҕүлүүллэриттэн үөрэбин.
Тус бэйэм үөрбүтүтүм диэн лоп курдук ДНС маҕаһыыҥҥа сертификат туттарбыттарыттан. Ол курдук, ДНС маҕаһыынтан сууйар массыына сакаастаабытым. Сертификаппын массыынабын ыларбар туһаныам.
Быйылгы халаан Граф Биэрэгэр улахан хоромньуну таһаарда. Чөлүгэр түһэрии үлэлэр сайын устата ыытыллыахтара. Биир дойдулаахтарым көмөҕүт ыарахаттары туоруурбар уонна кыһыны бэлэмнээх көрсөрбөр көмөлөһүөҕэ.
Ийэбин Азарова Валентина Прокопьевнаны үтүө тылынан ахтар, саныыр Лариса Петровнаҕа махтанабын! Тус көмөҕүт иһин үтүө ыалга Решетниковтарга махтанабын!” – диэн махтанар, баҕа санаатын этэр Граф Биэрэгин олохтооҕо Марианна Ивановна Корякина.
“Ленскэй нэһилиэк “Ипподром” түөлбэ бары олохтоохторугар Вадим Васильевич, Галина Гаврильевна Шергиннэр дьиэ кэргэттэрин аатыттан, биһиги кыһалҕабытын өйдөөн ис сүрэхтэн көмөлөспүт, үтүө-мааны дьонугар-сэргэтигэр улахан махталбытын тиэрдэбит. Эһиги үтүө санааҕыт бэйэҕитигэр сүүс төгүл эргиллэ турдун! Олоххутугар үгүс үөрүүнү, дьолу-соргуну баҕарабыт!” – диэн махтаналлар Модут ыаллара.
Ити курдук, Граф Биэрэгиттэн уонна Модуттан “Ипподром” түөлбэ бары олохтоохторугар махтал тыл бастыҥын аныыллар. Көмөҕө наадыйар, уустуктары көрсөр дьоҥҥо утары илиилэрин уунар, үтүө дьайыылары хамсаныынан көрдөрөр үтүө сүрэхтээх Лариса Петровнаҕа, Вера Васильевнаҕа, Татьяна Иннокентьевнаҕа махтаналлар. Көмөҕө кэлэр, үлэҕэ ылсар, тэрээһиннэри тэрийэр “тимир” санаалаах “Ипподром” түөлбэҕэ ситиһиилэри баҕарабыт!