Татьяна Осипова салайааччылаах “Ипподром” актива 2015 сылтан биһиги түөлбэттэн оскуолаҕа аан маҥнайгыларын барааччы кырачааннарбытыгар сэмэй бэлэхтэри туттарар тэрээһиннэри оҥорон саҕалаабыппыт. Бу барыта дьоммут-сэргэбит биэрэр взнос үбүттэн-харчытыттан көрүллэрэ.
Ол курдук, 2015 с. “Ипподром” түөлбэ эдэр ыала Аммосова Кира Кировна, Лебедев Дьулустан Михайлович бэйэлэрэ спонсордаан саҕалаабыттарын бэлиэтиир тоҕоостоох. Үтүө санааттан тэриллибит акция үгэскэ кубулуйан күн бүгүҥҥэ диэри салҕанар. Түгэнинэн туһанан, “Ипподром” түөлбэ олохтоохторун аатарыттан Кира Аммосоваҕа махтанабыт! Сыл аайы кырачааннарга үөрүүнү үксэтэ, элбэх кэрэ санааларгын тиэрдэ сылдьаргар.
Быйыл биһиги “Ипподром” түөлбэбититтэн 7 кырачаан аан бастакынан билии аанын аһан бастакы кылааска киирдилэр: Корякина Айаана, Федорова Аэлита, Байдын Айхаллан, Христофорова Нина, Ноговицына Мила, Михайлова Николь, Аргунова Алина. Оҕолорбут бастакы кылааска киирбиттэринэн, быйылгы тэрээһини Кира Кировна, Марина Николаевна оҥордулар, эҕэрдэлээх бэлэхтэри туттардылар. Кырачааннарбытыгар ситиһиилээх үөрэҕи, элбэх билиини, оскуолаҕа ыытыллар тэрээһиннэргэ көхтөөх буолуҥ диэн истиҥ-иһирэх баҕа санаабытын этэбит, үтүөнү баҕарабыт!
“Ипподром” түөлбэ олохтоохторо, актив