Балаҕан ыйын 10-11 күннэригэр Анапа куоракка бойобуой искусство Россиятааҕы ыччат күрэҕин иһинэн, мас тардыһыытыгар Бүтүн Россиятааҕы аһаҕас күрэхтэһии буолан ааста.
Бу түһүлгэҕэ Нам улууһун оҕолоро ситиһиилээхтик кыттан кэллилэр. И.Е Москвитин аатынан Искра сүрүн оскуолатын 9-с кылааһын үөрэнээччитэ Пятыкина Алина 2006-2007 сыллардаах оҕолорго эрэллээхтик 2-c миэстэ буолла. Оттон Д.Ф. Алексеев аатынан 1 Хомустаах орто оскуолатын 9-с кылааһын үөрэнээччилэрэ Охлопкова Влада, Замаратский Алексей 2008-2009 сыллардаах оҕолорго 3-с миэстэҕэ тахсан кыайыы үөрүүтүн биллилэр.
Бу күрэхтэһиигэ 75 оҕо, 9 хамаанда кыттыыны ыллылар.
Станислав Соловьев, Б. Манчаары аатынан спорт национальнай көрүҥнэрин киинин Кыһыл-Сыырдааҕы филиалын тренерэ